🕒 1 min read
गुरुचा विक्रम मोडायचा असेल तर शिष्याला अजून खूप घाम गाळावा लागणार आहे, हे पुन्हा एकदा सिद्ध झालंय… निमित्त ठरलाय तो भारताचा युवा स्टार अभिषेक शर्मा! न्यूझीलंडविरुद्धच्या तिसऱ्या टी-20 सामन्यात अभिषेकने (Abhishek Sharma) गोलंदाजांची अशी काही पिसं काढली की बघणाऱ्यांचे डोळे विस्फारले. पण या कामगिरीनंतरही त्याचा मेंटॉर युवराज सिंगने त्याला सोशल मीडियावर खास शैलीत ‘डिवचलं’ आहे.
मैदानावर चौकार-षटकारांचा पाऊस अभिषेक शर्माने अवघ्या 14 चेंडूत अर्धशतक ठोकत इतिहास रचला. भारतीय सलामीवीर म्हणून टी-20 मध्ये हे ‘Fastest Fifty’ ठरले आहे. विशेष म्हणजे अभिषेकने आपल्या 20 चेंडूंच्या खेळीत (नाबाद 68 धावा) एकही ‘Dot Ball’ खेळला नाही. त्याने न्यूझीलंडच्या गोलंदाजांना सळो की पळो करून सोडत 7 चौकार आणि 5 षटकार लगावले.
Abhishek Sharma Record
एवढी भयानक बॅटिंग करूनही अभिषेकला युवराज सिंगचा (12 चेंडूत 50 धावांचा) जागतिक विक्रम मोडता आला नाही. तो फक्त 2 चेंडूंनी हुकला. यावर युवीने मजेत ट्विट करत विचारलं, “अजूनही 12 चेंडूत 50 धावा करू शकत नाहीस का?” यावर अभिषेकनेही मनाचा मोठेपणा दाखवत रिप्लाय दिला की, “युवी पाजीचा रेकॉर्ड मोडणं कोणासाठीही अशक्य आहे, पण प्रयत्न करण्यात एक वेगळीच मजा आहे.” सध्या हे सोशल वॉर चाहत्यांमध्ये चांगलच गाजतंय.
भारताने 154 धावांचे टार्गेट केवळ 10 षटकांतच पूर्ण केले. कॅप्टन सूर्यकुमार यादवनेही (26 चेंडूत 57*) अभिषेकला उत्तम साथ दिली. भारताने मालिकेत 3-0 अशी विजयी आघाडी घेतली असून, मायदेशात सलग 11 वी टी-20 सीरीज जिंकण्याचा वर्ल्ड रेकॉर्ड केला आहे. आता बुधवारी विशाखापट्टणममध्ये होणाऱ्या सामन्यात काय होणार, याकडे सर्वांचं लक्ष लागलंय.
📌 महत्वाच्या बातम्या
- इकडे ‘बॉर्डर 2’ सुसाट, तिकडे वरुण अडचणीत; मुंबई मेट्रोतली ‘ती’ मस्ती पडली महागात!
- क्रिकेटचा ‘कणा’ निखळला; इंग्लंडची दादागिरी मोडीत काढणारा अन् वर्ल्डकप भारतात आणणारा ‘वाघ’ हरपला!
- Border 2 : जावेद अख्तर भडकले, पण सोनू निगमने एका वाक्यात जिंकलं मन; म्हणाला ‘हे गाणं म्हणजे…’
बातम्यांसाठी YouTube चॅनेल Subscribe करा
Subscribe Now
