प्रतिनिधी, 1 नोव्हेंबर: पुर्णेकर प्रकरणाबाबत विचारलेल्या प्रश्नावर उपमुख्यमंत्री एकनाथ शिंदे यांनी माध्यमांशी बोलणे थेट टाळले. मात्र, ठाण्यात महायुतीच्या वतीने आयोजित करण्यात आलेल्या ‘लोकशाही बचाव, अराजकता हटाव’ पदयात्रेत त्यांनी इंडिया आघाडीवर सडकून टीका केली.
या पदयात्रेला मिळालेला प्रचंड प्रतिसाद ही ‘फेक नॅरेटिव्ह’ पसरवणाऱ्या इंडिया आघाडीला मोठी चपराक असल्याचे शिंदे (Eknath Shinde) म्हणाले. राहुल गांधी आणि त्यांचे सहकारी पंतप्रधान नरेंद्र मोदी आणि अमित शाह यांच्यावर केवळ आरोप करत आहेत. त्यांचे हे बोलणे देशविरोधी आणि विकासविरोधी असल्याचेही उपमुख्यमंत्र्यांनी नमूद केले.
पंतप्रधान मोदींच्या नेतृत्वाखालील काळात देशात एकही भ्रष्टाचार किंवा बॉम्बस्फोटाची घटना घडलेली नाही, असा दावा त्यांनी केला. तसेच, इंडिया आघाडीकडून ईव्हीएम, निवडणूक आयोग आणि सर्वोच्च न्यायालयावर प्रश्नचिन्ह उपस्थित केले जात असून ही बाब पूर्णपणे चुकीची असल्याचे त्यांनी स्पष्ट केले.
जनता आता अशा प्रकारच्या अपप्रचाराला अजिबात थारा देणार नाही, असे शिंदे म्हणाले. संपूर्ण देश पंतप्रधान मोदींच्या पाठीशी खंबीरपणे उभा असून, विरोधकांचे हे सर्व प्रयत्न अयशस्वी ठरतील, असा विश्वास त्यांनी व्यक्त केला.
📌 महत्वाच्या बातम्या
- साताऱ्यात पावसाची दमदार हजेरी, रस्ते जलमय तर पिकांना जीवदान मिळाल्याने शेतकरी सुखावला
- न्यूझीलंडविरुद्ध जलद अर्धशतक झळकावल्यानंतर श्रेयस अय्यरने केले प्रसिद्ध ‘माना वेव्ह’ सेलिब्रेशन
- न्यूझीलंडविरुद्धच्या सलग दोन पराभवांनंतर गौतम गंभीरने घेतली जबाबदारी; म्हणाला, “मी टीका झेलायला तयार”
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
