गेल्या काही वर्षांत राज्यात महत्त्वपूर्ण राजकीय घडामोडी घडल्या आहेत. अनेक नेत्यांनी सत्ताधारी पक्षांमध्ये विशेषतः भाजप आणि एकनाथ शिंदे (Eknath Shinde) यांच्या नेतृत्वाखालील शिवसेना गटात प्रवेश केल्याचे दिसून आले आहे. याच प्रवाहात, विदर्भ भागात काँग्रेस (Congress) पक्षाला मोठा धक्का बसला आहे.
अमरावती जिल्ह्यातील दर्यापूर नगरपरिषदेच्या काँग्रेसच्या नगराध्यक्षा मंदाकिनी भारसाकळे यांनी १९ नगरसेवकांसह (19 councillors) अधिकृतपणे शिवसेनेत प्रवेश केला.
त्यांच्यासोबत अकोल्यातील ज्येष्ठ नेते रामदास बोडके यांचे सुपुत्र दीपक बोडके आणि त्यांचे सहकारी, तसेच प्रहार संघटना, शौर्य सेना, आझाद समाज पार्टी आणि कर्नाटकच्या बेळगावमधील विविध गटांचे पदाधिकारीही सामील झाले. हा पक्षप्रवेश आमदार आणि माजी मंत्री बच्चू कडू यांच्या नेतृत्वाखाली पार पडला.
19 councillors join Shiv Sena presence of shinde
या पक्षप्रवेशामुळे दर्यापूर नगरपालिकेत काँग्रेस पक्षाला मोठा राजकीय फटका बसला आहे, तर त्याच वेळी विदर्भात शिवसेनेची संघटनात्मक ताकद वाढली आहे.
मुंबईतील आपल्या ‘नंदनवन’ या शासकीय निवासस्थानी आयोजित पक्षप्रवेश सोहळ्यात एकनाथ शिंदे यांनी नवीन पदाधिकारी आणि कार्यकर्त्यांचे स्वागत केले. त्यांनी स्पष्टपणे सांगितले की, “दर्यापूरच्या विकासासाठी निधीची कमतरता भासणार नाही. मूलभूत नागरी सुविधा आणि विकासकामांसाठी ‘महायुती’ सरकार पूर्ण सहकार्य करेल.”
एकनाथ शिंदे काय म्हणाले?
या पक्षप्रवेश कार्यक्रमात एकनाथ शिंदे यांनी बच्चू कडू यांच्या कार्याचे विशेष कौतुक केले. यावेळी ते म्हणाले की, “विदर्भात सर्वसामान्य, शेतकरी, दिव्यांग आणि वंचित घटकांसाठी त्यांनी सातत्याने संघर्ष केला आहे. त्यामुळे विविध पक्षांतील कार्यकर्त्यांचा शिवसेनेकडे वाढता ओढा हा जनविश्वासाचा पुरावा आहे.”
एकनाथ शिंदे यांनी महाराष्ट्र हे दिव्यांग मंत्रालय स्थापन करणारे देशातील पहिले राज्य असल्याची आठवण दिली. गोरगरीब आणि सर्वसामान्यांच्या जीवनात सकारात्मक बदल घडवणे, हेच महायुती सरकारचे ध्येय आहे. विकासाच्या राजकारणावर विश्वास ठेवणाऱ्या प्रत्येकाला शिवसेनेत सन्मानाचे स्थान आहे.” असेही ते म्हणाले.
विदर्भ आणि कर्नाटक भागातील विविध संघटनांचे पदाधिकारी, महिला आघाडीच्या कार्यकर्त्या, शाखाप्रमुख आणि शेकडो पक्षकार्यकर्ते आजच्या पक्षप्रवेश सोहळ्याला मोठ्या संख्येने उपस्थित होते.
बच्चू कडू यांच्या नेतृत्वाखाली विदर्भात सुरू असलेला संघटनात्मक विस्तार आणि झालेला हा मोठ्या प्रमाणावरील पक्षप्रवेश, यामुळे आगामी स्थानिक राजकारणात शिवसेनेची ताकद लक्षणीयरीत्या वाढण्याचे संकेत मिळत आहेत.
यावेळी व्यासपीठावर आमदार व माजी मंत्री बच्चू कडू, आमदार प्रा. मनीषा कायंदे आणि अमरावती जिल्हा बँकेचे माजी अध्यक्ष सुधाकरराव भारसाकळे यांच्यासह अनेक पदाधिकारी व कार्यकर्ते उपस्थित होते.
📌 महत्वाच्या बातम्या
- समय रैनाला सुप्रीम कोर्टाचा मोठा दिलासा; ‘India’s Got Latent’ प्रकरणातील सर्व FIR रद्द
- “तुम्ही नालायक गृहमंत्री, राजीनामा द्या”; पृथ्वीराज चव्हाणांचा अमित शहांवर घणाघात
- “2029 पूर्वीच PM मोदी यांना राजीनामा द्यावा लागेल” : संजय राऊत
बातम्यांसाठी YouTube चॅनेल Subscribe करा
Subscribe Now
