प्रतिनिधी, 23 ऑक्टोबर: २२ ऑक्टोबर रोजी रावळपिंडी येथे झालेल्या तिसऱ्या एकदिवसीय सामन्यात श्रीलंकेने इंग्लंडचे ४३० धावांचे महाकाय आव्हान पार करत क्रिकेटच्या इतिहासातील एका महान विजयाची नोंद केली. इंग्लंडचा कर्णधार हॅरी ब्रूकने झळकावलेले ऐतिहासिक आणि सर्वात वेगवान द्विशतकही संघाला पराभवापासून वाचवू शकले नाही. श्रीलंकेने दोन गडी आणि एक चेंडू शिल्लक ठेवून हा सामना जिंकला.
प्रथम फलंदाजी करताना इंग्लंडने ५० षटकांत ४ बाद ४२९ धावांचा डोंगर उभारला होता. बेन डकेट आणि अर्धशतकवीर टॉम बँटन बाद झाल्यानंतर कर्णधार हॅरी ब्रूकने सुरुवातीला संयमाने खेळ केला आणि नंतर आक्रमक फटकेबाजी केली. त्याने अवघ्या ११६ चेंडूंत नाबाद २०२ धावांची खेळी केली, ज्यात २१ चौकार आणि १० षटकारांचा समावेश होता. त्याने आपले द्विशतक अवघ्या ११४ चेंडूंत पूर्ण केले, जे एकदिवसीय क्रिकेटच्या इतिहासातील सर्वात वेगवान द्विशतक ठरले आहे. विशेष म्हणजे त्याने आपल्या खेळीतील दुसरे शतक केवळ ३९ चेंडूंत पूर्ण केले.
ब्रूकला जो रूटची (६६ चेंडूंत ६९ धावा) उत्तम साथ मिळाली. तर विल जॅक्सने ३० चेंडूंत ६६ धावा चोपून संघाला मोठ्या धावसंख्येपर्यंत पोहोचवले. या खेळीमुळे ब्रूक रावळपिंडीमध्ये एकदिवसीय शतक झळकावणारा पहिला इंग्लिश फलंदाज ठरला. तसेच हा इंग्लंडसाठी वनडेतील पहिलाच द्विशतकी टप्पा असून, ब्रूकची ही खेळी इंग्लंडची सर्वोच्च वैयक्तिक धावसंख्याही बनली आहे.
४३० धावांच्या लक्ष्याचा पाठलाग करताना श्रीलंकेच्या फलंदाजांनी आवश्यक धावगतीचा दबाव न घेता दमदार खेळ केला. अविष्का फर्नांडोने ९७ धावा केल्या, तर पवन रत्नायकेने १०६ चेंडूंत १३० धावांची तुफानी खेळी करत संघाचा पाया भक्कम केला. त्यानंतर कर्णधार दासून शनाकाने अवघ्या ५० चेंडूंत ९७ धावा कुटल्या. इंग्लंडने अखेरच्या षटकांमध्ये बळी मिळवत पुनरागमन करण्याचा प्रयत्न केला. मात्र, दबावाच्या परिस्थितीत जनिथ लियानगेने २७ चेंडूंत नाबाद ६१ धावा करत संघाला ४९.५ षटकांत ऐतिहासिक विजय मिळवून दिला.
एकदिवसीय क्रिकेटमधील हा दुसरा सर्वात मोठा यशस्वी पाठलाग ठरला आहे. या यादीत २००६ साली दक्षिण आफ्रिकेने ऑस्ट्रेलियाविरुद्ध जोहान्सबर्गमध्ये ४३८/९ धावांचा केलेला पाठलाग पहिल्या स्थानावर आहे. त्यानंतर श्रीलंकेचा हा विजय (४३०/८) दुसऱ्या, भारताचा वेस्ट इंडिजविरुद्धचा विजय (४०६/२, गुवाहाटी २०२६) तिसऱ्या, नेदरलँड्सचा वेस्ट इंडिजविरुद्धचा विजय (३७४/९, हरारे २०२३) चौथ्या आणि दक्षिण आफ्रिकेचा ऑस्ट्रेलियाविरुद्धचा विजय (३७२/६, डर्बन २०१६) पाचव्या स्थानावर आहे.
या सामन्यात इंग्लंड आणि श्रीलंकेने मिळून तब्बल ८५९ धावा केल्या, जी एकदिवसीय क्रिकेटमधील दुसरी सर्वोच्च एकूण धावसंख्या ठरली आहे. याबाबतीत २००६ मधील ऑस्ट्रेलिया (४३४) विरुद्ध दक्षिण आफ्रिका (४३८) सामन्यातील ८७२ धावांचा विक्रम अद्याप अबाधित आहे. त्यानंतर रावळपिंडीमधील हा सामना (८५९ धावा), राजकोटमधील भारत विरुद्ध श्रीलंका सामना (८२५ धावा, २००९), गुवाहाटीमधील वेस्ट इंडिज विरुद्ध भारत सामना (८११ धावा, २०२६) आणि सेंट जॉर्जमधील इंग्लंड विरुद्ध वेस्ट इंडिज सामना (८०७ धावा, २०१९) यांचा क्रमांक लागतो.
हॅरी ब्रूक हा एकदिवसीय क्रिकेटमध्ये पराभूत संघातून द्विशतक झळकावणारा पहिलाच फलंदाज ठरला आहे. पराभूत झालेल्या सामन्यांमधील सर्वोच्च वैयक्तिक धावसंख्येच्या विक्रमात आता ब्रूकच्या २०२ धावा (श्रीलंकेविरुद्ध, २०२६) पहिल्या स्थानावर आहेत. यापूर्वी २००९ मध्ये चार्ल्स कॉव्हेंट्रीने बांगलादेशविरुद्ध नाबाद १९४ धावा, फखर जमानने २०२१ मध्ये दक्षिण आफ्रिकेविरुद्ध १९३ धावा, जॉर्ज मुन्सेने २०२५ मध्ये नेदरलँड्सविरुद्ध १९१ धावा आणि मॅथ्यू हेडनने २००७ मध्ये न्यूझीलंडविरुद्ध नाबाद १८१ धावा केल्या होत्या.
📌 महत्वाच्या बातम्या
- १०० आंतरराष्ट्रीय टी-२० सामने खेळणाऱ्या भारतीय खेळाडूंची यादी; अर्शदीप सिंगची खास क्लबमध्ये एन्ट्री
- न्यूझीलंडविरुद्धच्या पहिल्या टी-20 मध्ये अभिषेक शर्माकडून सोपा झेल सुटला, चाहते म्हणाले ‘हा तर दुसरा बाबर आझम’
- भुवनेश्वर कुमारचं निराशाजनक पुनरागमन; ४ वर्षांपूर्वीच्या शेवटच्या टी-२० सामन्यापेक्षाही खराब कामगिरी
Quick Answers
श्रीलंकेने इंग्लंडचे ४३० धावांचे आव्हान पार करत दोन गडी आणि एक चेंडू शिल्लक ठेवून सामना जिंकला. ४९.५ षटकांत श्रीलंकेने ८ बाद ४३० धावा करून हा ऐतिहासिक विजय मिळवला.
हॅरी ब्रूकने अवघ्या ११६ चेंडूंत नाबाद २०२ धावा केल्या. त्याने आपले द्विशतक ११४ चेंडूंत पूर्ण केले, जे एकदिवसीय क्रिकेटच्या इतिहासातील सर्वात वेगवान द्विशतक ठरले असून तो पराभूत संघातून द्विशतक झळकावणारा पहिलाच फलंदाज बनला.
श्रीलंकेकडून पवन रत्नायकेने १३० धावा, अविष्का फर्नांडोने ९७ धावा, कर्णधार दासून शनाकाने ९७ धावा आणि जनिथ लियानगेने २७ चेंडूंत नाबाद ६१ धावा केल्या.
हा एकदिवसीय क्रिकेटच्या इतिहासातील दुसरा सर्वात मोठा यशस्वी पाठलाग ठरला आहे. या यादीत पहिल्या स्थानावर २००६ मधील दक्षिण आफ्रिकेचा ऑस्ट्रेलियाविरुद्धचा (४३८/९) पाठलाग आहे.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
