प्रतिनिधी, 25 ऑक्टोबर: न्यूझीलंड दौऱ्यावर असलेल्या भारतीय संघाने शनिवारी, २४ ऑक्टोबर रोजी झालेल्या पाच टी-२० सामन्यांच्या मालिकेतील दुसऱ्या लढतीतही विजयाची घोडदौड कायम ठेवली. १८१ धावांच्या आव्हानाचा पाठलाग करताना भारताची आघाडीची फळी कोलमडली होती. मात्र, तळाच्या फलंदाजांनी दिलेल्या महत्त्वपूर्ण योगदानाच्या जोरावर भारताने हा सामना जिंकला. या रोमहर्षक विजयानंतर कर्णधार श्रेयस अय्यरने (Shreyas Iyer) टिळक वर्मा आणि नितीश कुमार रेड्डी यांचे विशेष कौतुक केले आहे.
या सामन्यापूर्वी इशान किशन जखमी झाल्याने भारतीय संघासमोर अडचण निर्माण झाली होती. त्याच्या जागी यष्टिरक्षक-फलंदाज कुमार कुशाग्रचा राखीव खेळाडू म्हणून समावेश करण्यात आला, तर अंतिम अकरामध्ये वैभव सूर्यवंशीला संधी मिळाली. मात्र, सलामीवीर म्हणून ओळखला जाणारा वैभव तिसऱ्या क्रमांकावर अपयशी ठरला. मागील सामन्यातील ‘सामनावीर’ संजू सॅमसन आणि त्याचा सलामीचा साथीदार अभिषेक शर्मा लवकर बाद झाले. १०.५ षटकांत ५ बाद ७० अशी भारताची दयनीय अवस्था झाली होती आणि न्यूझीलंडचे गोलंदाज सामन्यावर वर्चस्व गाजवत होते.
या कठीण परिस्थितीतून तिलक वर्माने २६ चेंडूंत नाबाद ५१ धावांची खेळी करत सामना फिरवला. त्याने नमन धीर आणि नितीश कुमार रेड्डी यांच्यासोबत दोन महत्त्वाच्या भागीदाऱ्या केल्या. तिलक वर्मा आणि नितीश यांनी सातव्या विकेटसाठी ६९ धावांची भागीदारी केली. पूर्णवेळ सदस्य असलेल्या राष्ट्रीय संघांमध्ये टी-२० मधील यशस्वी पाठलागातील ही सर्वोच्च भागीदाऱ्यांपैकी एक ठरली. अखेर १९.१ षटकांत भारताने हे आव्हान पार केले.
सामन्यानंतर बोलताना कर्णधार श्रेयस अय्यरने संघातील मॅच विनर्सचे कौतुक केले. तो म्हणाला, “मला वाटतं की आमच्या संघातील प्रत्येक खेळाडू मॅच विनर आहे आणि आज आपण त्याचे उदाहरण पाहिले. प्रामाणिकपणे सांगायचे तर, जेव्हा आमच्या लागोपाठ विकेट्स पडल्या, तेव्हा हा सामना आमच्या हातून निसटत असल्याचे आम्हाला वाटले होते. मात्र तिलक वर्मा आणि रेड्डीने अत्यंत खंबीरपणा दाखवला, तसेच नमन धीरनेही उत्कृष्ट खेळी केली.”
नमन धीरने फलंदाजीत १७ चेंडूंत ३१ धावा केल्या आणि गोलंदाजीत एका षटकात केवळ ७ धावा दिल्या. त्याच्याबद्दल बोलताना अय्यर म्हणाला, “मायदेशात वेस्ट इंडिजविरुद्धच्या काही सामन्यांमध्ये आम्ही त्याला पाहिले होते. तो एक जबरदस्त गोलंदाजही आहे. जेव्हा तुम्ही फलंदाजी आणि गोलंदाजी अशा दोन्ही आघाड्यांवर सक्षम असता, तेव्हा तो खेळाडू संघात मोठा खंबीरपणा आणतो. मैदानात त्याचा वावर पाहता, तो खऱ्या अर्थाने एक परिपूर्ण खेळाडू आहे.”
📌 महत्वाच्या बातम्या
- राजस्थान रॉयल्सच्या मालकी हक्कात बदल; रियान परागकडून कर्णधारपद जाणार, यशस्वी जयस्वालची शक्यता
- महिला टी-२० विश्वचषक २०२८: पाकिस्तानला यजमानपद मिळण्याची शक्यता, १ ऑक्टोबरला होणार अंतिम सामना
- मुंबई इंडियन्सच्या मुख्य प्रशिक्षकपदी कायरन पोलार्डची नियुक्ती; लालचंद राजपूत ते पोलार्ड असा आहे प्रशिक्षकांचा इतिहास (२००८-२०२७)
Quick Answers
भारताला न्यूझीलंडविरुद्धच्या दुसऱ्या टी-२० सामन्यात १८१ धावांचे आव्हान मिळाले होते आणि भारताने हे आव्हान १९.१ षटकांत पार केले.
इशान किशन जखमी झाल्यानंतर त्याच्या जागी कुमार कुशाग्रचा राखीव खेळाडू म्हणून समावेश करण्यात आला, तर अंतिम अकरामध्ये वैभव सूर्यवंशीला खेळण्याची संधी मिळाली.
तिलक वर्माने २६ चेंडूंत नाबाद ५१ धावांची खेळी केली आणि सामना भारताच्या बाजूने फिरवला.
तिलक वर्मा आणि नितीश कुमार रेड्डी यांनी सातव्या विकेटसाठी ६९ धावांची भागीदारी केली.
नमन धीरने फलंदाजीत १७ चेंडूंत ३१ धावा केल्या, तर गोलंदाजीत एका षटकात केवळ ७ धावा दिल्या.
टीप: खालील झटपट उत्तरे AI च्या सहाय्याने तयार करण्यात आली असून ती वरील मूळ बातमीतील माहितीनुसार आहेत. अधिक संदर्भासाठी संपूर्ण बातमी वाचा.
Ask Maharashtra Desha
आधी या वेबसाइटवरील उपलब्ध बातम्यांमधून उत्तर शोधले जाईल. माहिती अपुरी असल्यास वेबवरील अतिरिक्त स्रोत तपासले जातील.
