SA vs NZ Live: टी-२० विश्वचषक २०२६ च्या उपांत्य फेरीचा महाथरार!

टी-२० विश्वचषकाच्या इतिहासात आफ्रिकेने न्यूझीलंडला तब्बल ५ वेळा धूळ चारली आहे, त्यांच्याकडून एकदाही पराभव पत्करलेला नाही. पण बाद फेरीत (Knockout) खेळताना आफ्रिका नेहमीच दबावाखाली येते, हा जुना इतिहास आहे. आज मार्करमची सेना हा ‘चोकर्स’चा कलंक पुसून थेट फायनलमध्ये धडक मारणार का, याकडे सर्वांचं लक्ष लागलंय.

क्रिकेट चाहत्यांसाठी एक अतिशय दिलासादायक बातमी आहे! आज ईडन गार्डन्सवर पावसाची कोणतीही शक्यता नाहीये. आकाश निरभ्र असेल. त्यामुळे आफ्रिका आणि न्यूझीलंड यांच्यातील हा हाय-व्होल्टेज उपांत्य फेरीचा सामना विनाअडथळा पूर्ण ४० षटकांचा पाहायला मिळेल.

कोलकात्याची खेळपट्टी टी-२० क्रिकेटमध्ये फलंदाजांसाठी नंदनवन मानली जाते. इथे आज चौकार-षटकारांचा पाऊस पडण्याची दाट शक्यता आहे. पण सर्वांत महत्त्वाचा फॅक्टर म्हणजे रात्री पडणारं दव (Dew). त्यामुळे नाणेफेक जिंकणारा संघ डोळे झाकून प्रथम गोलंदाजी (चेस) करण्याचाच निर्णय घेईल, असा तज्ज्ञांचा अंदाज आहे.

दक्षिण आफ्रिकेचा विचार केल्यास ते आज पूर्ण ताकदीनिशी मैदानात उतरतील. SA vs NZ Live सामन्यात आफ्रिकेची फलंदाजी ही त्यांची सर्वात मोठी जमेची बाजू आहे. कर्णधार एडन मार्करम सध्या जबरदस्त फॉर्मात आहे. त्याला क्विंटन डी कॉक आणि डेवाल्ड ब्रेविससारख्या आक्रमक फलंदाजांची उत्तम साथ मिळेल. गोलंदाजीत कागिसो रबाडा आणि लुंगी एनगिडीवर मोठी मदार असणार आहे.

दुसरीकडे न्यूझीलंडचा संघ नेहमीच मोठ्या सामन्यांमध्ये धक्कादायक निकाल देण्यासाठी ओळखला जातो. SA vs NZ Live सामन्यात किवी संघात काही महत्त्वाचे बदल पाहायला मिळू शकतात. वेगवान गोलंदाज मॅट हेन्री आज संघात परतण्याची दाट शक्यता आहे. फलंदाजीत टिम सेफर्ट आणि रचिन रवींद्र यांच्यावर संघाची मोठी भिस्त असेल.

टिम सेफर्ट (विकेटकीपर), फिन ॲलन, रचिन रवींद्र, ग्लेन फिलिप्स, डॅरिल मिशेल, मार्क चॅपमन, मिचेल सँटनर (कर्णधार), कोल मॅककॉन्ची (किंवा जिमी नीशम), मॅट हेन्री, ईश सोढी आणि लॉकी फर्ग्युसन. किवींचा हा संतुलित संघ आज आफ्रिकेला नक्कीच कडवी झुंज देईल.

क्विंटन डी कॉक (विकेटकीपर), रायन रिकेल्टन, एडन मार्करम (कर्णधार), डेवाल्ड ब्रेविस, डेव्हिड मिलर, ट्रिस्टन स्टब्स, मार्को जान्सेन, कॉर्बिन बॉश, केशव महाराज, कागिसो रबाडा आणि लुंगी एनगिडी. हा संघ कोणत्याही गोलंदाजी फळीला घाम फोडण्यासाठी पुरेसा ताकदवान मानला जातोय.

SA vs NZ Live: कोलकात्याच्या या मैदानावर या विश्वचषकात आधीच २०० पेक्षा जास्त धावांचे सामने झाले आहेत. ही खेळपट्टी फलंदाजांसाठी उत्तम मानली जाते आणि रात्री दव पडण्याची शक्यता असल्यामुळे नाणेफेक जिंकून लक्ष्याचा पाठलाग करणं (चेस करणं) इथं फायद्याचं ठरू शकतं.

SA vs NZ Live: आयसीसीच्या नियमानुसार, जर पाऊस किंवा इतर कारणांमुळे आज आणि उद्या (रिझर्व्ह डे) दोन्ही दिवशी सामना होऊ शकला नाही, तर ‘सुपर ८’ फेरीच्या पॉईंट्स टेबलमध्ये अव्वल असलेला संघ पुढे जातो. आफ्रिकेने त्यांच्या ग्रुप १ मध्ये टॉप केलं होतं, त्यामुळे सामना रद्द झाल्यास आफ्रिका थेट फायनलमध्ये जाईल.

टी-२० विश्वचषकाच्या इतिहासात आफ्रिकेने न्यूझीलंडला ५ वेळा हरवलंय, एकही सामना गमावलेला नाही. पण नॉकआउट मॅचेसमध्ये आफ्रिकेचा रेकॉर्ड अत्यंत खराब (१ विजय, ३ पराभव) आहे. त्यामुळे आज ते ‘चोकर्स’चा टॅग पुसणार की इतिहास पुन्हा गिरवणार, यावर प्रेक्षकांचं लक्ष आहे.