🕒 1 min read
Satyajeet Tambe | टीम महाराष्ट्र देशा: राज्यातील 20 पेक्षा कमी पटसंख्या असलेल्या शाळांचे एकत्रीकरण करून समूह शाळा उभारण्याच्या दृष्टीने शिक्षण विभागाने हालचाल सुरू केली असून याबाबतचे प्रस्ताव 15 ऑक्टोबर पर्यंत सादर करण्याचे आदेश राज्याच्या शिक्षक आयुक्तांनी विभागीय शिक्षण उपसंचालक आणि शिक्षणाधिकाऱ्यांना दिले आहे.
या प्रकरणावर सत्यजित तांबे यांनी प्रतिक्रिया दिली आहे. शिक्षण विभाग ही काही प्रयोगशाळा नाही, असं सत्यजित तांबे यांनी म्हटलं आहे.
ट्विट करत सत्यजित तांबे (Satyajeet Tambe) म्हणाले, “शिक्षण विभाग ही काही प्रयोगशाळा नाही! राज्य सरकारकडून शिक्षण विभागात कंत्राटी शिक्षक भरती, शाळा दत्तक योजना, सरकारी शाळांमध्ये वेगवेगळी परिपत्रकं आणि आता ही समूहशाळा योजना असे नवनवीन प्रयोग करणे सुरुच आहे.
कोणीही यावं आणि कोणत्याही पद्धतीचे प्रयोग करावेत, याचं हा विभाग व्यासपीठ नाही. प्रयोग यशस्वी झाला तर झाला, नाही झाला तर काही हरकत नाही, अशी वृत्ती अजिबात चालणार नाही!”
School education and health are very important for the country – Satyajeet Tambe
पुढे ते (Satyajeet Tambe) म्हणाले, “शालेय शिक्षण आणि आरोग्य हे दोन्हीही विषय देशाच्या दृष्टीने अत्यंत महत्वाचे असतात. त्यामुळे या विषयांमध्ये कोणत्याही पद्धतीचे प्रयोग करणं हे भविष्यातील पिढीसाठी नक्कीच घातक ठरू शकते.
या सर्वांसाठी एक धोरण असते, त्या धोरणानुसारच काम करणं अपेक्षित असतं. जर या धोरणांनुसार काम नाही झालं, तर येणाऱ्या काळात शिक्षण क्षेत्राचं आणि पर्यायाने विद्यार्थ्यांचं कधीही भरून न निघणारं नुकसान अटळ आहे, हे नक्की!”
महत्वाच्या बातम्या
- Ashish Shelar | विजय वडेट्टीवार आहे तरी कोण? – आशिष शेलार
- Dhangar Reservation | धनगर समाजाचं आंदोलन पेटणार? उपोषणकर्त्यांनी सोडले उपचार
- Ambadas Danve | प्रसार माध्यमांवर बंदी घालणं म्हणजे हुकूमशाही – अंबादास दानवे
- Vijay Wadettiwar | नागपूरमध्ये पूर परिस्थिती, विजय वडेट्टीवार राज्य सरकारवर संतापले; म्हणाले…
- Eknath Shinde | संजय राऊतांची गाढवावर बसून धिंड काढण्याची गरज; शिंदे गटाचा राऊतांवर घणाघात
बातम्यांसाठी YouTube चॅनेल Subscribe करा
Subscribe Now
