Rohit Pawar | अहमदनगर : पंतप्रधान नरेंद्र मोदी यांच्या हस्ते काल (दि. १९ जानेवारी) मुंबईतील विविध विकास कामांचे लोकार्पण आणि काही कामांचे भूमिपूजन करण्यात आले. यावेळी राज्याचे मुख्यमंत्री एकनाथ शिंदे (Eknath Shinde) यांच्यासह उपमुख्यमंत्री देवेंद्र फडणवीस (Devendra Fadanvis) हे देखील उपस्थित होते.
याच दरम्यान पंतप्रधान नरेंद्र मोदी Narendra Modi) यांच्यासह मुख्यमंत्री एकनाथ शिंदे यांनी एकमेकांवर स्तुतीसुमणं उधळली. यावर राष्ट्रवादी कॉंग्रेसचे आमदार रोहित पवार (Rohit Pawar) यांनी ट्विट करत टीका केली आहे. लोकार्पणाचा कार्यक्रम होता की एकमेकांचा कौतुक सोहळा होता हे कळेनासं झालंय, असं म्हणत रोहित पवारांनी नरेंद्र मोदींच्या कार्यक्रमावर बोचरी टीका केली आहे.
काय म्हंटलंय ट्विटमध्ये?
ट्विटमध्ये त्यांनी म्हटले, “काल मुंबईतील कार्यक्रम पाहून हा प्रकल्पांच्या लोकार्पणाचा कार्यक्रम होता की एकमेकांचा कौतुक सोहळा होता हेच कळेनासं झालंय! मला तर वाटतं या कार्यक्रमातील भाषणं ऐकूण मिठी नदीही हसली असेल आणि खारा समुद्रही काही क्षण गोड झाला असेल!”
काल मुंबईतील कार्यक्रम पाहून हा प्रकल्पांच्या लोकार्पणाचा कार्यक्रम होता की एकमेकांचा कौतुक सोहळा होता हेच कळेनासं झालंय! मला तर वाटतं या कार्यक्रमातील भाषणं ऐकूण मिठी नदीही हसली असेल आणि खारा समुद्रही काही क्षण गोड झाला असेल! pic.twitter.com/NXuCGmQcQb
— Rohit Pawar (@RRPSpeaks) January 20, 2023
रोहित पवार यांनी यामध्ये नरेंद्र मोदी यांनी उद्घाटन केलेल्या छत्रपती शिवाजी महाराज यांच्या स्मारकाचा मुद्दा पुन्हा उपस्थित करून भाजपवर निशाणा साधलाय. “मात्र, २०१६ साली छत्रपती शिवाजी महाराजांच्या समुद्रातील भव्य स्मारकाच्या भूमीपूजनासाठी आणलेल्या गड-किल्ल्यांवरील पवित्र मातीने नक्कीच मूक अश्रू ढाळले असतील, आणि अरबी समुद्रातील त्या खडकानेही आश्चर्याने कान टवकारले असतील!”, असा खोचक ट्विट रोहित पवार यांनी केलंय.
महत्वाच्या बातम्या :
- MNS | “संजय राऊत वेड्यांच्या रूग्णालयात होते की…?”; मनसेच्या ‘या’ नेत्याचा खोचक टोला
- PM Kisan Yojana | ‘या’ कारणामुळे पीएम किसान योजनेच्या 13 व्या हप्त्याला होत आहे उशीर
- Job Recruitment | भारत सरकारच्या ‘या’ विभागात रिक्त पदांसाठी भरती प्रक्रिया सुरू
- Pankaja Munde | “फडणवीसांच्या कार्यक्रमात का दिसत नाही?”; पंकजा मुंडे म्हणाल्या, “माझ्या मनात…”
- Weather Update | राज्यात काही ठिकाणी ढगाळ वातावरण, तर देशात ‘या’ ठिकाणी पावसाची शक्यता
