🕒 1 min read
Deepak Kesarkar | टीम महाराष्ट्र देशा: मनोहर उर्फ संभाजी भिडे (Sambhaji Bhide) यांनी महात्मा गांधी यांच्याबद्दल केलेल्या वादग्रस्त वक्तव्यानंतर विरोधकांनी भाजप सरकारला धारेवर धरलं आहे.
करमचंद गांधी हे महात्मा गांधीजींचे खरे वडील नसून त्यांचे खरे वडील एक मुस्लिम जमीनदार असल्याचं संभाजी भिडे यांनी म्हटलं आहे. त्यांच्या या वक्तव्यानंतर राज्यातील राजकीय वातावरण चांगलं तापलं आहे.
त्याचबरोबर अमरावतीमध्ये भिडे यांच्या विरोधात पहिला गुन्हा दाखल करण्यात आला आहे. अशात या पार्श्वभूमीवर दीपक केसरकर यांनी प्रतिक्रिया दिली आहे. संभाजी भिडे यांचा भाजपसोबत संबंध जोडणं योग्य नसल्याचं दीपक केसरकर यांनी म्हटलं आहे.
Sambhaji Bhide is not affiliated with any political party – Deepak Kesarkar
संभाजी भिडे यांच्या वक्तव्यावर प्रतिक्रिया देताना दीपक केसरकर (Deepak Kesarkar) म्हणाले, “भिडे गुरुजी स्वतंत्र आहे. त्यांचा कोणत्याही राजकीय पक्षाशी संबंध नाही.
त्यांची संस्था मुलांना गडकिल्ल्यांवर घेऊन जाते. त्याचबरोबर त्यांची संस्था मुलांना छत्रपती शिवाजी महाराजांबद्दल माहिती देते. या सर्व गोष्टी संभाजी भिडे स्वतंत्रपणे करतात.त्यामुळे त्यांचा भाजपशी संबंध जोडणं योग्य नाही.”
दरम्यान, संभाजी भिडे यांनी महात्मा गांधी यांच्याबद्दल मोठ विधान केलं (Deepak Kesarkar) आहे. ते म्हणाले, “करमचंद गांधी हे एका मुस्लिम जमीनदाराकडे कामासाठी जात होते.
त्यावेळी करमचंद गांधी त्या मुस्लिम जमीनदाराची मोठी रक्कम चोरून पळून गेले होते. त्यानंतर भडकलेल्या जमीनदाराने त्यांची पत्नी म्हणजेच महात्मा गांधीजींच्या आईला घरी पळवून आणले होते.
त्यानंतर त्या जमीनदाराने त्यांच्यासोबत पत्नीसारखा व्यवहार केला. त्यामुळे महात्मा गांधीजींचे खरे वडील करमचंद गांधी नसून ते मुस्लिम जमीनदार आहे.”
महत्वाच्या बातम्या
- Kishor Kadam | “अजित पवारांना हतबल करून…”; संभाजी भिडेंच्या वक्तव्यावर किशोर कदमांची प्रतिक्रिया
- Sambhaji Bhide | संभाजी भिडेंच्या अडचणीत वाढ! ‘त्या’ वक्तव्यावरून भिडेंच्या विरोधात गुन्हा दाखल
- Ashish Shelar | ठाकरे गटानं सरळ-सरळ पाकिस्तानला मदत केली? आशिष शेलारांचा खडा सवाल
- Yashomati Thakur | संभाजी भिडे म्हणजे देशाला तोडणारी विकृती – यशोमती ठाकूर
- Radhakrishna Vikhe Patil | रोहित पवारांना अजित पवारांचे नेतृत्व मान्य करण्यापलीकडे दुसरा पर्याय नाही – राधाकृष्ण विखे पाटील
बातम्यांसाठी YouTube चॅनेल Subscribe करा
Subscribe Now
