Pune Bypoll Election | पिंपरी चिंचवड, कसबा पेठ पोटनिवडणुकीची तारीख जाहीर!
Pune Bypoll Election | पुणे : दिवंगत आमदार मुक्ता टिळक (Mukta Tilak) आणि लक्ष्मण जगताप यांच्या निधनाने रिक्त झालेल्या कसबा व चिंचवड विधानसभा मतदारसंघाच्या जागांवर निवडणूक आयोगाने आज अचानकपणे पोटनिवडणूक जाहीर केली. या दोन जागांसाठी येत्या २७ फेब्रुवारी रोजी निवडणूक घेण्यात येईल.
भाजपा आमदार मुक्ता टिळक यांच्या निधनाला तीन आठवडे तर लक्ष्मण जगताप यांच्या निधनाला केवळ १५ दिवस झाले आहेत.
मुक्ता टिळक आणि लक्ष्मण जगताप यांच्या निधनामुळे अनुक्रमे कसबा पेठ आणि पिंपरी चिंचवड या विधानसभेच्या दोन जागा रिक्त झाल्या होत्या. याच जागांवर पोटनिवडणूक घेण्यासाठीचा निवडणूक कार्यक्रम निवडणूक आयोगाने जाहीर केला आहे.
पुण्यात कसबा विधानसभा मतदारसंघात कुणाला उमेदवारी मिळणार याकडे सर्वांचंच लक्ष लागलेलं आहे. माजी नगरसेवक हेमंत रासने, धीरज घाटे यांच्यापैकी एकाला मिळणार की गणेश बीडकर यांचाही विचार होणार होणार याची चर्चा सुरू झाली आहे. या तिघांच्या नावाशिवाय दिवंगत आमदार मुक्ता टिळक (Mukta Tilak) यांच्या घरातील कुणाचा विचार होणार का? हे पाहणं महत्वाचं ठरणार आहे.
दरम्यान, कोणत्याही आमदार वा खासदाराचे निधन झाल्यास विरोधकांकडून त्या जागेवर उमेवार उभा केला जात नाही. त्या जागेवर बिनविरोध निवडणूक पार पडते. महाराष्ट्रातल्या या प्रघातानुसार या दोन जागांवरील निवडणूक बिनविरोध पार पडतेय का हे पाहावं लागणार आहे.
महत्वाच्या बातम्या :
- Ashish Shelar | “उगाच बसून जीभ नाकाला लावण्याचे धंदे ठाकरेंच्या शिवसेनेने करू नये”; शेलारांचा पलटवार
- Sharad Pawar | “शरद पवारांचा अजित पवारांवर विश्वास नाही, धमकीमुळे विरोधी पक्षनेतेपद मिळालं”
- Travel Tips | वसंत ऋतुमध्ये फिरायला जाण्याची प्लॅनिंग करत असाल, तर ‘या’ ठिकाणांना द्या भेट
- Ashok Chavan | “माणसं फोडायची आणि…”; सत्यजीत तांबेंच्या बंडखोरीवर अशोक चव्हाण नेमकं काय म्हणाले?
- Aloevera Side Effects | चेहऱ्यावर कोरफड लावल्याने होऊ शकतात ‘हे’ दुष्परिणाम