Nilesh Rane | अनिल परबांवर टीका करताना निलेश राणेंची जीभ घसरली; म्हणाले…

Nisha1 February 2023
nilesh rane vs anil parab
pc- maharashtra desha

Nilesh Rane | मुंबई : शिवसेनेचे ठाकरे गटाचे आमदार अनिल परब (Anil Parab) यांचं म्हाडाच्या वांद्रे येथील वस्तीत असणारं कार्यालय काल पाडण्यात आलं. त्याववरुन राजकारण तापलं आहे. संबंधित कार्यालय हे अनधिकृतपणे बांधण्यात आलं होतं. त्यामुळे म्हाडाने त्यावर हातोडा मारत कारवाई केली, असा दावा भाजप नेते किरीट सोमय्या यांनी केला होता.

मात्र, या सगळ्या घडामोडी नंतर अनिल परब काल म्हाडा कार्यालयात दाखल झाले. त्यांनी म्हाडा अधिकाऱ्यांशी चर्चा केली. अनिल परब तब्बल चार तास म्हाडा कार्यालयात होते. त्यानंतर ते कार्यालयाबाहेर आले. त्यानंतर त्यांनी माध्यमांशी चर्चा केली. यावेळी त्यांनी नोटीस बजावणाऱ्या अधिकाऱ्यांना देखील फैलावर घेत अनधिकृत जागेचा मालक मी आहे का?, असा सवाल केला. यावरून निलेश राणे यांनी ट्विट करत टीका केली आहे.

अनधिकृत जागेचा मालक मी आहे का?? अनिल परबांचा अधिकाऱ्यांना सवाल. अनधिकृत जागेचा मालक पण असतो हा शोध अनिल परब यांनी लावला याबद्दल त्यांना १० कुत्र्यांची शेपूट वर करून सलामी”, अशा आशयाचं ट्विट करत त्यांनी खालच्या पातळीवर टीका केली आहे.

दरम्यान, भाजपाचे आमदार नितेश राणे यांची देखील अनिल परब आणि उद्धव ठाकरे यांच्यावर टीका करताना जीभ घसरली आहे. “अनिल परब हा मातोश्रीचा कारकून आहे. उद्धव ठाकरेंना स्वत:ला काही करण्याची हिंमत नाही. कारण तो नामर्द आहे. त्याला अनिल परबसारखे कारकून लागतातच”, अशा एकेरी भाषेत नितेश राणेंनी उद्धव ठाकरेंवर जहरी टीका केली आहे.

महत्वाच्या बातम्या :

Tags
Nisha1 February 2023

कृपया जाहिरातींना अनुमती द्या

तुम्ही जाहिरात ब्लॉकर वापरत आहात असे दिसते. आमच्या साइटला आर्थिक मदत मिळवण्यासाठी आम्ही जाहिरातींवर अवलंबून असतो. कृपया जाहिरातींना अनुमती द्या.