🕒 1 min read
Maratha Reservation | जालना: मराठवाड्यातील जालना जिल्ह्यात मराठा समाजाला आरक्षण मिळवून देण्यासाठी मनोज जरांगे (Manoj Jarange) यांनी आमरण उपोषण सुरू केलं आहे.
आज त्यांच्या उपोषणाचा नववा दिवस आहे. उपोषणाच्या 9 व्या दिवशी त्यांची प्रकृती अत्यंत खालावली आहे. आज त्यांना चालता देखील येत नव्हतं. अशात जसजशी मनोज जरांगे यांची प्रकृती बिघडत चालली आहे तसंतसं मराठा समाज आक्रमक होत चालला आहे.
मराठा समाजाचं शांततेत सुरू असलेलं आंदोलन हिंसक वळण घेताना दिसत आहे. आंदोलकांकडून राज्यात बहुतांश ठिकाणी जाळपोळ, दगडफेक, गाड्यांची तोडफोड करण्यात आली आहे.
या घटना घडत असताना मनोज जरांगे यांची प्रकृती आणखीन खराब झाली आहे. त्यामुळे मराठा समाजाचं आंदोलन आणखीन आक्रमक होण्याची शक्यता वर्तवली जात आहे.
Manoj Jarange’s agitation for Maratha reservation is going on
जालना जिल्ह्यातील अंतरवाली सराटी येथे मनोज जरांगे यांचं मराठा आरक्षणासाठी (Maratha Reservation) आमरण उपोषण सुरू आहे.
उपोषणाच्या 9 व्या दिवशी त्यांची प्रकृती अत्यंत बिघडलेली असून तिघांचा आधार घेत मनोज जरांगे कसे-बसे चालले आहे. उपोषण स्थळी मनोज जरांगे यांची तपासणी करण्यासाठी डॉक्टरांचं एक पथक दाखल झालं आहे.
परंतु, जोपर्यंत मराठा समाजाला आरक्षण (Maratha Reservation) मिळणार नाही तोपर्यंत उपचार, अन्न, पाणी काहीच घेणार नसल्याचं मनोज जरांगे यांनी स्पष्ट केलं आहे.
त्यामुळे आता मनोज जरांगे यांची प्रकृती अजून बिघडण्याच्या आधी राज्य सरकारला मराठा आरक्षणाच्या (Maratha Reservation) मुद्द्यावर लवकरात लवकर निर्णय घेण्याची गरज आहे.
Pallavi Manoj Jarange commented on Maratha Reservation
दरम्यान, मनोज जरांगे यांच्या उपोषणावर त्यांची मुलगी पल्लवी जरांगे हिने प्रतिक्रिया दिली आहे. ती म्हणाली, “मराठा समाजासोबत कुणीही गद्दारी करू शकतं. मात्र, माझे पप्पा समाजासोबत गद्दारी करू शकत नाही.
पप्पांनी पाणी प्यावं, जेवण करावं, असं आम्हाला सातत्याने वाटतं. परंतु पप्पा म्हणतात, मी पाणी पिलं, जेवण केलं तर समाजासोबत गद्दारी होईल. सरकारने माझ्या पप्पांची काळजी घेऊन मराठा समाजाला लवकरात लवकर आरक्षण (Maratha Reservation) द्यायला हवं.
कारण मला सारखं वाटतं की पप्पांनी घरी असावं माझ्यासोबत खेळावं. पण ते घरी आले तर ते आमच्याशी बोलत नाही. कारण त्यांच्या डोक्यात सतत मराठा आरक्षणाचा विषय असतो.”
महत्वाच्या बातम्या
- Maratha Reservation | पप्पा घरी असावे त्यांनी आमच्यासोबत खेळावं असं आम्हाला सारखं वाटत; मनोज जरांगेंची लेक भावूक
- Maratha Reservation | राज्य सरकारचं शिष्टमंडळ जरांगेंच्या भेटीला; शिष्टमंडळात कुणाचा आहे समावेश?
- Maratha Reservation | मराठा आरक्षण आमच्यासाठी दुय्यम स्थानी; बच्चू कडूंच्या विधानानंतर मराठा आंदोलन पेटण्याची शक्यता
- Maratha Reservation | मराठा समाजाला आरक्षण मिळणार? राज्यातील मोठ्या नेत्यांची दिल्लीत बैठक
- Manoj Jarange | शिंदे-फडणवीस अजून किती उशीर करणार? उपोषणाच्या 9 व्या दिवशी मनोज जरांगेंची प्रकृती अत्यंत खालावली
बातम्यांसाठी YouTube चॅनेल Subscribe करा
Subscribe Now
