Jayant Patil | देश अमृतकाळ साजरा करतोय अन् शेतकरी विष पिऊन मरतोय – जयंत पाटील
Jayant Patil | टीम महाराष्ट्र देशा: महाराष्ट्रामध्ये यावर्षी पुरेसा पाऊस पडलेला नाही. यामुळे राज्यातील शेतकरी संकटात सापडला आहे. राज्यात त्वरित दुष्काळ घोषित करा, अशी मागणी विरोधकांकडून केली जात आहे.
मात्र, अद्याप राज्य सरकारने दुष्काळ घोषित केलेला नाही. अशात पुरेसा पाऊस न झाल्यामुळे शेतकऱ्यांच्या आत्महत्येचं प्रमाण दिवसेंदिवस वाढत चाललं आहे.
याच पार्श्वभूमीवर जयंत पाटील यांनी प्रतिक्रिया दिली आहे. देश अमृतकाळ साजरा करत असताना भारतीय अर्थव्यवस्थेचा कणा असलेला शेतकरी मात्र विष पिऊन आत्महत्या करत आहे, असं जयंत पाटील यांनी म्हटलं आहे.
ट्विट करत जयंत पाटील (Jayant Patil) म्हणाले, “यवतमाळ जिल्ह्यात गेल्या दोन दिवसांत सहा शेतकऱ्यांनी आपली जीवनयात्रा संपवली आहे. कर्ज काढून पिक लावणी केली.
मात्र अतिवृष्टीमुळे जमीन खरडून गेली. हाता तोंडाशी आलेले पीक जमीनदोस्त झाले. हतबल झालेल्या शेतकऱ्यांना आपले जीवन संपवणे सोपे वाटले, हे सरकारचे खरे अपयश आहे.”
The government should help the farmers with a generous hand – Jayant Patil
पुढे ते (Jayant Patil) म्हणाले, “गेल्या नऊ महिन्यांमध्ये विदर्भात १ हजार ५८४ शेतकऱ्यांच्या आत्महत्या झाल्या असल्याची बाबा समोर आली आहे. गेल्या २५ वर्षांतील ही सर्वाधिक संख्या आहे.
देश अमृतकाळ साजरा करत असताना भारतीय अर्थव्यवस्थेचा कणा असलेला शेतकरी मात्र विष पिऊन आत्महत्या करत आहे. ही धोक्याची घंटा सरकारने ओळखावी आणि शेतकऱ्यांना सढळ हाताने मदत करावी.”
महत्वाच्या बातम्या
- Sanjay Raut | निर्णय घेण्यासाठी नार्वेकरांना भाजप कार्यालयात जावं लागतं – संजय राऊत
- Eknath Shinde | महिलांसाठी हा गौरवाचा सण; महिला आरक्षण विधेयकावर CM शिंदे यांची प्रतिक्रिया
- Rohit Pawar | भाजपच्या चिन्हावर निवडणूक लढा नाही तर राजकारण सोडा; रोहित पवारांची CM शिंदे आणि अजित पवारांवर टीका
- Rohit Pawar | भाजपा सर्व सामाजिक घटकांप्रती केवळ खोटी सहानुभूती दाखवतय – रोहित पवार
- Uday Samant | एकनाथ शिंदे ज्या ठिकाणी उभे राहतील त्या ठिकाणी निवडून येतील – उदय सामंत