Solo Trip | सोलो ट्रिप करायचा विचार करत असाल, तर करा ‘ही’ सुंदर ठिकाणं एक्सप्लोर

Mayuri Deshmukh30 January 2023

Solo Trip | टीम महाराष्ट्र देशा: आजकाल सोलो ट्रीपचा ट्रेंड खूप वाढला आहे. विशेषतः मुलींमध्ये सोलो ट्रिपचा ट्रेंड मोठ्या प्रमाणात बघायला मिळत आहे. सोशल मीडिया आणि चित्रपटांमुळे लोक सोलो ट्रॅव्हलकडे आकर्षित होताना दिसत आहे. पण अनेकदा अनेकजण भीतीपोटी सोलो ट्रीपचे प्लॅन सोडून देतात. पण सोलो ट्रॅव्हलिंग हे खूप सुरक्षित असून त्यामध्ये आपल्याला खूप वेगवेगळे अनुभव मिळतात. तुम्ही भारतातील पुढील ठिकाणी सोलो ट्रीपला जाऊ शकतात.

उदयपूर

तुम्ही जर भारतामध्ये सोलो ट्रीपला जाण्याचा विचार करत असाल तर उदयपूर तुमच्यासाठी एक उत्तम ठिकाण आहे. उदयपूर हे शहर राजेशाही जीवनशैलीसाठी ओळखले जाते. या ठिकाणी तुम्हाला अनेक सुंदर ठिकाणं बघायला मिळतील. उदयपूरमध्ये तुम्हाला तलाव, राजवाडे इत्यादी गोष्टी बघायला मिळतील. त्याचबरोबर उदयपूरमध्ये तुम्ही सर्वोत्तम सूर्यास्ताचा अनुभव घेऊ शकतात. त्यामुळे तुम्ही जर सोलो ट्रीपला जाण्याचा विचार करत असाल तर तुम्ही उदयपूरला नक्की भेट दिली पाहिजे.

हम्पी

सोलो ट्रिपचा आनंद घेण्यासाठी हम्पी एक उत्तम ठिकाण आहे. हम्पी हे शहर कर्नाटक राज्यामध्ये स्थित आहे. धार्मिक दृष्टिकोनातून हे एक अतिशय पवित्र ठिकाण आहे. हम्पीमध्ये तुम्हाला अनेक प्राचीन मंदिर बघायला मिळतील. सोलो ट्रिप करण्यासाठी हम्पी हे एक सुरक्षित शहर आहे. त्यामुळे तुम्ही जर सोलो ट्रीपचा विचार करत असाल तर तुम्ही हम्पीला भेट देऊ शकतात.

ऋषिकेश

उत्तराखंडमध्ये स्थित असलेले ऋषिकेश ठिकाण सोलो ट्रिपसाठी एक उत्तम ठिकाण आहे. या ठिकाणी तुम्हाला निसर्गाचे सर्वोत्तम नजारे बघायला मिळतील. त्याचबरोबर ऋषिकेशमध्ये तुम्ही संध्याकाळच्या वेळी गंगा आरतीचा अनुभव घेऊ शकतात. तुम्ही जर सोलो ट्रीप प्लान करत असाल तर तुम्ही ऋषिकेशला जाऊ शकतात.

जयपुर

सोलो ट्रिप करण्यासाठी जयपूर एक सर्वोत्तम ठिकाण आहे. जयपुरला पिंकसिटी म्हणून ओळखले जाते. जयपुरमध्ये तुम्ही सिटी पॅलेस, जंतर-मंतर, हवा महल, गुडिया घर इत्यादी ठिकाणांना भेट देऊ शकतात. त्याचबरोबर सुरक्षिततेच्या दृष्टीने जयपूर हे एक उत्तम ठिकाण आहे. त्यामुळे तुम्ही या ठिकाणी सोलो ट्रिपला जाण्याचा विचार करू शकतात.

महत्वाच्या बातम्या

कृपया जाहिरातींना अनुमती द्या