Mint Leaves | पुदिन्याच्या सेवन केल्याने आरोग्याला मिळतात ‘हे’ फायदे

Mayuri Deshmukh8 April 2023
Mint Leaves | पुदिन्याच्या सेवन केल्याने आरोग्याला मिळतात 'हे' फायदे
पुदिना आपल्या आरोग्यासाठी खूप फायदेशीर मानला जातो. पुदिन्यामध्ये अनेक पोषक घटक आढळून येतात.

Mint Leaves | टीम महाराष्ट्र देशा: पुदिना आपल्या आरोग्यासाठी खूप फायदेशीर मानला जातो. पुदिन्यामध्ये अनेक पोषक घटक आढळून येतात. पुदिन्यामध्ये सोडियम, पोटॅशियम, प्रोटीन आणि विटामिन सी भरपूर प्रमाणात आढळून येतात, जे शरीरासाठी उपयुक्त ठरू शकतात. पुदिन्याचे सेवन केल्याने रोगप्रतिकारशक्ती मजबूत होते आणि पचनाच्या अनेक समस्या सहज दूर होऊ शकतात. त्याचबरोबर पुदिनाचे नियमित सेवन केल्याने आरोग्याला खालील फायदे मिळू शकतात.

पचनसंस्था निरोगी राहते (Digestive system remains healthy-Mint Leaves Benefits)

पुदिन्याचे नियमित सेवन केल्याने पचनक्रिया वेगवान आणि मजबूत होते. पुदिन्यामध्ये आढळणारे अँटिऑक्सिडंट गुणधर्म अन्न पचवण्यास मदत करतात. त्याचबरोबर पुदिन्याचे नियमित सेवन केल्याने तुम्ही गॅस, बद्धकोष्ठता, ऍसिडिटी, अपचन इत्यादी समस्यांपासून दूर राहू शकतात.

डोकेदुखीपासून सुटका मिळते (Gets relief from headache-Mint Leaves Benefits)

डोकेदुखीच्या समस्येवर मात करण्यासाठी पुदिना उपयुक्त ठरू शकतो. डोकेदुखीच्या समस्यावर मात करण्यासाठी तुम्ही पुदिन्याचे तेल किंवा बाम वापरू शकतात. पुदिन्यामध्ये आढळणारे गुणधर्म डोकेदुखी सहज दूर करू शकतात.

वजन नियंत्रणात राहते (Weight remains under control-Mint Leaves Benefits)

तुम्ही जर वजन कमी करण्याचा विचार करत असाल, तर पुदिन्याची पाने तुमच्यासाठी एक रामबाण उपाय ठरू शकते. कारण अनेकदा तणावामुळे वजन झपाट्याने वाढू लागते. अशावेळी पुदिनाच्या पानांने सेवन करणे फायदेशीर ठरू शकते. कारण पुदिन्याच्या पानाच्या सेवनाने ऑक्सिडेटिव्ह ताण कमी होतो. त्यामुळे वजन कमी होण्यास मदत होते.

पुदिन्याचे नियमित सेवन केल्याने आरोग्याला वरील फायदे मिळू शकतात. त्याचबरोबर उन्हाळ्यामध्ये चेहऱ्यावरील लालसरपणा दूर करण्यासाठी तुम्ही खालील घरगुती उपाय करू शकतात.

मध (Honey For Redness On Face)

त्वचेची काळजी घेण्यासाठी मध खूप फायदेशीर ठरू शकतो. मधामध्ये आढळणारे अँटिइफ्लिमेंटरी गुणधर्म त्वचेची काळजी घेण्यास मदत करतात. त्याचबरोबर मधाच्या मदतीने त्वचेवरील लालसरपणा आणि जळजळ दूर होऊ शकते. यासाठी तुम्हाला साधारण वीस मिनिटे चेहऱ्यावर मध लावून ठेवावा लागेल. वीस मिनिटानंतर तुम्हाला तुमचा चेहरा थंड पाण्याने धुवावा लागेल. दिवसातून दोन ते तीन वेळा याचा वापर केल्याने त्वचेवरील लालसरपणा सहज दूर होऊ शकतो.

कोरफड (Aloevera For Redness On Face)

कोरफडीमध्ये अनेक औषधी गुणधर्म आढळून येतात. म्हणून कोरफड आपल्या आरोग्यासोबतच त्वचेसाठी देखील खूप उपयुक्त ठरू शकते. उन्हाळ्यामध्ये चेहऱ्यावर येणारा लालसरपणा दूर करण्यासाठी कोरफड मदत करू शकते. यासाठी तुम्हाला संपूर्ण चेहऱ्यावर कोरफडीचा गर साधारण अर्धा तास लावून ठेवावा लागेल. त्यानंतर तुम्हाला तुमचा चेहरा थंड पाण्याने धुवावा लागेल. दिवसातून दोन वेळा कोरफड चेहऱ्यावर लावल्याने या समस्येपासून सुटका मिळू शकतो.

टीप: वरील माहिती लागू करण्यापूर्वी संबंधित तज्ञांचा सल्ला घ्यावा.

महत्वाच्या बातम्या

Tags
Mayuri Deshmukh8 April 2023

कृपया जाहिरातींना अनुमती द्या

तुम्ही जाहिरात ब्लॉकर वापरत आहात असे दिसते. आमच्या साइटला आर्थिक मदत मिळवण्यासाठी आम्ही जाहिरातींवर अवलंबून असतो. कृपया जाहिरातींना अनुमती द्या.