🕒 1 min read
Maratha Reservation | टीम महाराष्ट्र देशा: राज्यामध्ये मराठा समाज आरक्षणाच्या मुद्द्यावरून आंदोलन करत आहे. संपूर्ण महाराष्ट्रातील मराठा समाजाला सरसकट कुणबी प्रमाणपत्र देण्यात यावं, अशी मागणी मराठा समाजाने केली आहे. मराठा समाजाच्या या मागणीला मंत्री छगन भुजबळ (Chhagan Bhujbal) यांनी विरोध दर्शवला आहे.
मराठा समाजाला कुणबी प्रमाणपत्र देणं म्हणजे मागच्या दाराने ओबीसीमध्ये प्रवेश देण्यासारखं आहे, असं खळबळजनक वक्तव्य छगन भुजबळ यांनी केलं आहे. त्यांच्या या वक्तव्यावरून मराठा समाजाने उपमुख्यमंत्री अजित पवार (Ajit Pawar) यांना धारेवर धरलं आहे.
Ajit Pawar should clarify his position regarding Chhagan Bhujbal
छगन भुजबळ यांनी मराठा समाजाला सरसकट कुणबी प्रमाणपत्र देण्यास विरोध दर्शवला आहे. याच पार्श्वभूमीवर मराठा क्रांती मोर्चाचे समन्वयक महेश डोंगरे यांनी छगन भुजबळ यांच्यावर खोचक शब्दांत टीका केली आहे.
छगन भुजबळ यांच्यावर टीका करत असताना त्यांनी अजित पवार यांना देखील धारेवर धरलं आहे. ते म्हणाले, “छगन भुजबळ यांनी जर दोन समाजामध्ये वाद निर्माण निर्माण करण्याचा प्रयत्न केला तर त्यांची गाठ मराठा समाजासोबत आहे.
छगन भुजबळ यांना ज्या पक्षाने मोठं केलं, त्या पक्षाच्या अजित पवारांना आमचं जाहीर आवाहन आहे की, त्यांनी छगन भुजबळ यांच्याबाबत त्यांची भूमिका स्पष्ट करावी, नाहीतर बारामतीतील मराठे तुम्हाला तुमची जागा दाखवतील. अजित पवारांनी त्वरित छगन भुजबळ यांना त्यांच्या पक्षातून काढायला हवं.”
दरम्यान, मनोज जरांगे यांनी जालना जिल्ह्यामध्ये मराठा समाजाला आरक्षण मिळावं, यासाठी आंदोलन सुरू केलं होतं. अशात मराठा समाजानंतर ओबीसी समाजाने जालना जिल्ह्यात आंदोलन सुरू केलं आहे.
मराठा समाजाला आम्ही ओबीसीतून आरक्षण देऊ देणार नाही, अशी भूमिका ओबीसी समाजाने स्पष्ट केली आहे. याच पार्श्वभूमीवर ओबीसी समाजाने घनसावंगी तहसील कार्यालयावर मोर्चा काढला आहे.
महत्वाच्या बातम्या
- Maratha Reservation | ओबीसीमधील इतर वंचित जातींच्या नोंदी तपासाव्यात; विजय वडेट्टीवारांची CM शिंदेंना मागणी
- Maratha Reservation | भुजबळ-जरांगे वाद पेटणार? मराठा आरक्षणावरून ओबीसी समाज उतरला रस्त्यावर
- Maratha Reservation | भुजबळांच्या दबावामुळे राज्याचं शिष्टमंडळ झुकलं? जरांगगेंसोबत आज होणारी भेट ढकलली उद्यावर
- Chitra Wagh | आपली पार वाताहात झाली, हे कटू सत्य राऊतांना मान्य नाहीये; चित्रा वाघांचं राऊतांना प्रत्युत्तर
- Maratha Reservation | भुजबळांच्या विरोधानंतर मराठा आरक्षणावर PM मोदी तोडगा काढणार? पंतप्रधानांच्या दरबारी जनतक्रार याचिका दाखल
बातम्यांसाठी YouTube चॅनेल Subscribe करा
Subscribe Now
