…तर भाजपला सत्तेपासून दूर ठेवता आले असते- हार्दिक पटेल

मुंबई: गुजरात निवडणुकीपूर्वी मी राहुल गांधीची भेट घ्यायला पहिजे होती. जर ती भेट झाली असती, तर भाजपला सत्तेपासून दूर ठेवता आले असते. तसेच, गुजरातमध्ये काँग्रेसला स्पष्ट बहुमत मिळालं असते, असे पाटीदार नेता हार्दिक पटेल याने स्पष्ट केले. तो इंडिया टुडे कॉन्क्लेव्हमध्ये बोलत होता.

हार्दिक पटेल म्हणाला, जर मी ममता बँनर्जी, नितीश कुमार, शिवसेना पक्षप्रमुख उद्धव ठाकरेंना जाहीरपणे भेटू शकतो. तर राहुल गांधीची भेट घेण्यात मला काहीही अडचण नव्हती. पण  मी ती भेट टाळली. राहुल गांधींची भेट टाळणं ही सर्वात मोठी चूक होती. तसेच जर ती भेट झाली असती तर भाजपला ९९ ऐवजी ७९ जागांवरच समाधान मानावे लागले असते.

मोदींवर टीका करत हार्दिक पटेल म्हणाला, २०१४ च्या लोकसभा निवडणुकीत भाजपने नरेंद्र मोदींचं नाव जाहीर केले, त्यावेळी आम्हाला वाटलं की, या देशातील तरुणांना रोजगार मिळेल. या देशातील शेतकऱ्यांना त्यांच्या शेतमालाला योग्य हामीभाव मिळेल. पण त्यातील एकही आश्वासन पूर्ण झालेलं नाही.