fbpx

‘कन्हैय्याला मत द्यायचं होतं पण अधिकाऱ्याने द्यायला लावलं गिरीराज सिंहांना’

टीम महाराष्ट्र देशा : लोकसभा निवडणुकीच्या चौथ्या टप्प्याचं सध्या मतदान सुरू असताना बिहारमधील बेगूसराय मतदारसंघातील एक वेगळा प्रकार समोर आला आहे. बेगुसराय मतदारसंघातील एका महिलेचा व्हिडीओ व्हायरल झाला आहे. त्यामध्ये बळजबरीने गिरीराज सिंह यांना मतदान करण्यास सांगितल्याचे ती महिला म्हणत आहे.

या व्हिडीओत संबंधित महिलेने थेट निवडणूक मतदान केंद्रातील अधिकाऱ्यांवर गंभीर आरोप केले आहेत. मी कन्हैया कुमारच्या नावासमोरील बटण दाबणार होते. मात्र, तेथील अधिकाऱ्याने बळजबरीने मला गिरीराजसिंह यांच्या नावासमोरील बटण दाबण्यास भाग पाडल्याचे ही महिला सांगत आहे. बभगगावा पंचायतमधील हा व्हिडीओ असून महिला जोरजोरात ओरडून सांगत आहे.