wine in the grocery store decision will be taken in todays state cabinet meeting

मुंबई: राज्यात आता किराणा दुकानांमध्ये जर तुम्हाला वाईन (Wine) विकायला ठेवलेली दिसली तर आश्चर्य वाटू देऊ नका. राज्य सरकार आता वाईन किराणा दुकानांमध्ये देखील विकायला परवानगी देऊ शकते. त्यामुळे मनाची तयारी आधीच करून ठेवा की ‘त्या’ बाटल्या सुद्धा आता जनरल स्टोरमध्ये (General store) बघायला मिळू शकतील. राज्याचा महसूल वाढवण्यासाठी असा निर्णय घेण्यात येऊ शकतो, अशी माहिती समोर येत आहे.

राज्याचा हा वाईन प्रस्ताव आज होणाऱ्या मंत्रिमंडळाच्या बैठकीत मंजूर झाला तर सुपर मार्केट (Super Market), वॉक इन स्टोअर आणि जनरल स्टोअरमध्ये वाईनची विक्री करणं शक्य होणार आहे. आज दिनांक २७ जानेवारी रोजी होणाऱ्या बैठकीत या संबंधी चर्चा केली जाणार आहे. या बैठकीत इतर अनेक महत्वाच्या विषयांवर देखील चर्चा केली जाणार आहे.

दरम्यान, भाजपकडून या वाईन (BJP against Wine) प्रस्तावाला विरोध असल्याचे देखील भाजपने जाहीर केले आहे. त्यामुळे आता राज्य सरकारने वाईन विक्रीबाबत नवा प्रस्ताव मान्य केल्यास भाजपकडून मोठा विरोध होण्याची शक्यता आहे. आता या बैठकीत नेमका काय निर्णय होतो याकडे सर्वांचे लक्ष लागले आहे. राज्याचा महसूल वाढवण्यासाठी हा निर्णय योग्य असला तरी देखील याला कितपत प्रतिसाद मिळेल याबद्दल शंका उपस्थित केल्या जात आहेत.

महत्वाच्या बातम्या: