नवी दिल्ली : विराट कोहलीने कसोटी क्रिकेटचे कर्णधारपदही सोडले आहे. विराटने सोशल मीडियावर एक पोस्ट शेअर करून ही माहिती दिली होती. त्याच्या या निर्णयानंतर चाहते, सहकारी खेळाडू त्याचे कौतुक करत आहेत. दरम्यान, त्याची पत्नी अनुष्का शर्मानेही एक लांबलचक भावूक पोस्ट शेअर केली असून कर्णधार होण्यापासून आतापर्यंतच्या विराटच्या प्रवासातील यश, आव्हाने आणि अपयशांबद्दल तिच्या भावना व्यक्त केल्या आहेत.
अनुष्काने तिच्या पोस्टमध्ये लिहिले की, “मला २०१४ मधला तो दिवस आठवतो, जेव्हा तुम्ही मला सांगितले होते की तुला कर्णधार बनवण्यात आले आहे कारण महेंद्रसिंह धोनीने कसोटी क्रिकेटमधून निवृत्ती घेण्याचा निर्णय घेतला होता. मला आठवतंय एमएस, तुम्ही आणि मी त्या दिवशी नंतर गप्पा मारत होतो आणि तुमची (विराट) दाढी आता लवकर पांढरी व्हायला सुरुवात होईल, अशी गंमत धोनीने केली होती. यावर आम्ही सगळे चांगलेच हसलो होतो. त्या दिवसापासून मी तुमची दाढी पांढरी झालेली पाहिली आहे. मी तुम्हाला यशस्वी होताना पाहिले आहे, आणि हो, भारतीय क्रिकेट संघाचा कर्णधार म्हणून तुम्ही ज्याप्रकारे प्रगती केली आणि तुमच्या नेतृत्वाखाली संघाने केलेल्या कामगिरीचा मला अभिमान आहे. पण त्यातून, तुम्ही स्वतःमध्ये जे काही साध्य केले आहे, जे बदल केले आहेत याचा मला अभिमान आहे.”
View this post on Instagram
अनुष्काने पुढे लिहिले की, “२०१४ मध्ये आम्ही खूप लहान आणि भोळे होतो. केवळ चांगला हेतू, सकारात्मकता आणि तळमळ तुम्हाला जीवनामध्‍ये पुढे नेऊ शकत नाही असे नाही, पण हे आव्हानांशिवाय होऊ शकत नाही. यापैकी अनेक आव्हाने ज्यांना तुम्ही सामोरे गेले ते नेहमीच मैदानावर नव्हते. पण मग, हे जीवन आहे, नाही का? ते तुमची अशा ठिकाणी परीक्षा घेते जिथे तुम्हाला त्याची किमान अपेक्षा असते, परंतु जिथे तुम्हाला त्याची सर्वात जास्त गरज असते. माझ्या प्रिय, मला तुझा खूप अभिमान आहे की तू तुझ्या चांगल्या हेतूच्या मार्गात काहीही येऊ दिले नाहीस.”
महत्वाच्या बातम्या :
- जयंत पाटलांनी थेट एलॉन मस्क यांनाच दिले आमंत्रण
- मुख्यमंत्री चरणजीत सिंह चन्नी यांचे निवडणूक आयोगाला पत्र; केली ‘ही’ मागणी
- ‘नुसतं फुटबॉलचं स्टेडियम उभारून चालणार नाही तर…’; उद्धव ठाकरेंचे खेळाडूंना आवाहन
- जायचे होते परभणीला; परंतु झाले असे काही मायलेकींनी घेतली धावत्या रेल्वेतून उडी!
- “मी बी कंबर कसलेली हाय..कच्च्या गुरूचा चेला नाय मी”, किरण मानेंची नवी फेसबुक पोस्ट
