IND vs ENG : कोहली चालता-चालता अचानक थांबला अन् कॅमेरामनला विचारले, ‘ काय चालू आहे…’

मुंबई : विराट कोहली मैदानावरील त्याच्या आक्रमक खेळासाठी ओळखला जातो. मग ती फलंदाजी असो वा क्षेत्ररक्षण. कर्णधारपद सोडल्यानंतरही विराटच्या आक्रमक शैलीत बदल झालेला नाही. काही काळापूर्वी कोहली इंग्लंडमध्ये चाहत्यांसोबत सेल्फी घेताना दिसला होता. इंग्लंडविरुद्धच्या कसोटीपूर्वी किंग कोहली पुन्हा एकदा आपल्या अनोख्या शैलीत दिसला.

विराट कोहलीचा एक व्हिडिओ सोशल मीडियावर समोर आला आहे. ज्यामध्ये कोहली त्याचा सहकारी शुभमन गिलसोबत दिसत आहे. सराव सत्रानंतर बोलत असताना दोन्ही खेळाडू ड्रेसिंग रूमच्या दिशेने जात आहेत. एक कॅमेरामनही त्याच्या मागे-मागे सतत चालत असतो. कोहली शुभमनच्या मागे येतो आणि मग अचानक कॅमेरामनकडे बघण्यासाठी थांबतो आणि हसून विचारतो ‘काय चालले आहे?’ हा ७५ सेकंदांचा व्हिडिओ एजबॅस्टन ट्विटर हँडलवर पोस्ट करण्यात आला आहे. पोस्टच्या कॅप्शनमध्ये ‘ किंगसोबत चाललो, माझे आयुष्य पूर्ण झाले.’ व्हिडिओमध्ये कोहली चांगल्या मूडमध्येही दिसत आहे.

भारत १ जुलैपासून इंग्लंडसोबत कसोटी सामना खेळणार आहे. बर्मिंगहॅमच्या एजबॅस्टन स्टेडियमवर हा कसोटी सामना खेळवला जाईल. जो गेल्या वर्षी दोन्ही संघांमध्ये खेळल्या गेलेल्या कसोटी मालिकेचा भाग आहे. गेल्या वर्षी या मालिकेत ४ कसोटी सामने खेळले गेले आहेत ज्यात भारतीय संघ २-१ ने आघाडीवर आहे. त्यावेळी विराट कोहली भारतीय संघाचा कर्णधार होता. तर जो रुट इंग्लंडचा कर्णधार होता. यावेळी इंग्लंडचा अष्टपैलू बेन स्टोक्स इंग्लंड संघाचा कर्णधार असेल.

𝗪𝗮𝗹𝗸𝗶𝗻𝗴 𝘄𝗶𝘁𝗵 𝘁𝗵𝗲 𝗸𝗶𝗻𝗴. 👑

My life is complete. #Edgbaston | #ENGvIND pic.twitter.com/Ij6kDbnuAA

— Edgbaston (@Edgbaston) June 29, 2022

२-१ ने आघाडी घेतलेली असल्याने भारतीय संघाला इंग्लंडमध्ये मालिका जिंकण्याची संधी असेल. असे झाल्यास भारतीय संघाला १५ वर्षांत प्रथमच इंग्लंडमध्ये मालिका विजयाची संधी मिळेल. यापूर्वी २००७ मध्ये भारतीय संघाने हा पराक्रम केला होता. त्यावेळी राहुल द्रविड संघाचा कर्णधार होता. यावेळी द्रविड भारतीय संघाशी प्रशिक्षक म्हणून जोडला गेला आहे.

महत्वाच्या बातम्या: