ध्वनिक्षेपक वापर मुंबईत ‘गणपती’त ४ दिवस, नवरात्रीत २ दिवस सूट

मुंबई : मुंबई शहर आणि जिल्ह्यात ध्वनिक्षेपक व ध्वनिवर्धक वापरण्याच्या मर्यादेतून सूट देण्याबाबतचे १५ दिवस मुंबई शहर जिल्हाधिकारी यांनी जाहीर केले आहेत. उद्यापासून सुरु होणारा गणपती उत्सव चार दिवस (दुसरा दिवस, पाचवा दिवस, गौरी विर्सजन व अंनत चर्तुदर्शी), नवरात्री उत्सव दोन दिवस (अष्टमी व नवमी) दिवाळी एक दिवस (लक्ष्मीपूजन) ख्रिसमस एक दिवस, ३१ डिसेंबर एक दिवस या दिवसासाठी श्रोतृगृहे, सभागृहे, सामुहिक सभागृहे आणि मेजवानी कक्ष या ठिकाणी ध्वनिवर्धक सकाळी ६ ते रात्रौ १२ वाजेपर्यंत वापरण्याची सूट असेल. ध्वनिक्षेपक व ध्वनिवर्धक वापरण्यासंदर्भात मा. उच्च न्यायालयाने ध्वनी प्रदुषणासंदर्भात दिलेले आदेश, ध्वनी प्रदुषण २०००मधील नियम ३ व ४ चे पालन, केंद्रीय पर्यावरण मंत्रालयाच्या ध्वनी प्रदुषण नियम २०००च्या अधिसूचनेनुसार पालन करणे संबधितांवर बंधनकारक आहे.