कर्जमाफी : शिवसेनेचा भाजपवर भरोसा नाय काय ?

subhas desai vs cm

टीम महाराष्ट्र देशा – राज्यातील किती शेतकऱ्यांना आतापर्यंत कर्जमाफीची रक्कम मिळाली, याबद्दल सरकारच्या वतीने वेळोवेळी जाहीर करण्यात येत असलेल्या आकडेवारीवर अविश्वास व्यक्त करीत, अनेक शेतकरी कर्जमाफीपासून वंचित राहत असल्याचा टीकेचा सूर शिवसेनेच्या मंत्र्यांनी लावला. शिवसेनेने जमा केलेल्या आकडेवारीशी सरकारची आकडेवारी ताडून पाहिली जाईल, असे शिवसेनेचे नेते व राज्याचे उद्योगमंत्री सुभाष देसाई यांनी सांगितले.

मंत्रालयात मंगळवारी झालेल्या मंत्रिमंडळाच्या बैठकीत, शेतकरी कर्जमाफीचा आढावा घेण्याची मागणी शिवसेनेच्या मंत्र्यांनी केली. राज्य शासनाकडून कर्जमाफीसाठी आतापर्यंत १७ लाख ४९ हजार शेतकऱ्यांच्या कर्जमाफीचे १० हजार ३३२ कोटी रुपये बँकांकडे वर्ग करण्यात आले आहेत. त्यापैकी नऊ लाख ४३ हजार शेतकऱ्यांच्या खात्यांवर पाच हजार १४१ कोटी रुपये बँकांनी जमा केल्याची माहिती सहकारमंत्री सुभाष देशमुख यांनी जाहीर केली आहे.

Loading...

राज्याच्या सत्तेत भाजपबरोबर सहभागी असलेल्या शिवसेनेच्या मंत्र्यांचा मात्र ‘सरकारी आकडेवारीवर भरोसा नाही,’ असाच सूर होता. उद्योगमंत्री सुभाष देसाई यांनी या आकडेवारीबद्दल शंका उपस्थित केली. शिवसेना पक्षप्रमुख उद्धव ठाकरे यांनी सर्व जिल्हाप्रमुखांना बँकांमध्ये जाऊन किती शेतकऱ्यांना कर्जमाफीची रक्कम मिळते, याची माहिती घेण्याच्या सूचना दिल्या होत्या. त्यानुसार तालुकातालुक्यांमधून माहिती जमा करण्यात आली आहे. त्यातून अनेक शेतकरी कर्जमाफीपासून वंचित राहत असल्याचे आढळून आले आहे. त्यामुळे सरकारने जाहीर केलेली आकडेवारी शिवसेनेने संकलित केलेल्या आकडेवारीशी ताडून पाहिली जाईल, असे त्यांनी सांगितले.

मंत्रिमंडळाच्या बैठकीत कर्जमाफीचा आढावा सादर करावा, अशी मागणी शिवसेनेच्या मंत्र्यांनी केल्याचे त्यांनी सांगितले. यावरून शेतकरी कर्जमाफीबाबत सरकारकडून देण्यात येणाऱ्या माहितीवर किंवा आकडेवाडीवर शिवसेनेच्या मंत्र्यांचा भरोसा नाही, असे त्यांनी सूचित केले.

Loading...
Loading...




Loading…




Top Posts

'झारखंड निवडणुकीवेळी धोनीनं भाजपात प्रवेश न केल्याने BCCIने करारातून वगळले'
पंतप्रधान मोदी छत्रपती शिवाजी तर शहा तानाजींच्या रुपात; शिवसेनेच्या ढाण्या वाघाची पहिली प्रतिक्रिया
सुप्रिया सुळे यांनीही पहिला 'तान्हाजी', चित्रपट पाहून म्हणाल्या...
'सत्ता गेली तरी चालेल, पण सावरकरांना भारतरत्न देण्याच्या शिवसेनेच्या मागणीला आमचा विरोध'
कोणाशीही आणि कशीही युती करेन पण एकदा दिल्लीला जाणारच : महादेव जानकर
थोरात साहेब तुम्हाला घराणेशाहीतले 'युवा आमदार'दिसले पण शेतकऱ्याचं पोरगं देवेंद्र भुयार दिसला नाही का ?
यातून शिवसेनेचा खरा चेहरा उघड झाला - देवेंद्र फडणवीस
इतिहासावरून देवेंद्र फडणवीस-आदित्य ठाकरेंमध्ये जुंपली
वंशज असल्याचे पुरावे मागणे चुकीचेचं नाही तर मूर्खपणाचे
महिला उपजिल्हाधिकाऱ्याने भाजप नेत्याच्या कानशिलात लगावली