fbpx

मोदी सरकारने देशात राजांना देखील भिक मागायला लावली : उदयनराजे भोसले

udayan-raje

टीम महाराष्ट्र देशा : सातार लोकसभा मतदार संघाचे राष्ट्रवादीचे उमेदवार उदयनराजे भोसले यांनी एका प्रचारसभेत बोलताना मोदी सरकारला लक्ष केले. ‘या सरकारने राजांना देखील भिक मागायला लावली आहे’. अशी टीका त्यांनी यावेळी केली. उदयनराजे सातारा येथील प्रचारसभेत ते बोलत होते.

यावेळी उदयनराजेंनी राज्यातील फडणवीस सरकारवर देखील भाष्य केले. ते म्हणाले की, तुम्ही निधी दिला परंतू मी त्याचा पाठपुरावा केला म्हणून तुम्ही कामं केली. तसेच या सरकारने देशातल्या राजांना भिक मागायला लावली, त्यांच्या हातात पाच वर्षात हातात वाडगं दिलं. गरिबांचं उदरनिर्वाहाचं साधनसुद्धा हिरावून घेतलं. तसेच निवडणुका लागल्या की यांच्याकडे भरभरुन पैसे असतात. आमच्या गाड्या चेक केल्या तर शिळ्या भाकरी मिळतील. परंतू तुम्हाला ज्या गाडीवर कमळ दिसेल त्या गाडीत मी तुम्हाला पैसे शोधुन देतो असंही उदयनराजे यावेळी म्हणाले.

तसेच राजेंनी  विरोधी उमेदवार नरेंद्र पाटील यांना देखील शाब्दिक फटकारे मारले. ‘लोकांसमोर जाताना आती ही लोकं लटलट कापतायत. भाषण करताना डायसचा आधार नसेल तर ते खाली पडतील’, अशा शब्दात उदयनराजेंनी नरेंद्र पाटलांना टोले मारले.

दरम्यान सतार लोकसभामध्ये आघाडीकडून राष्ट्रवादीचे उमेदवार उदयनराजे भोसले यांना उमेदवारी देण्यात आली आहे तर त्यांना टक्कर देण्यासाठी शिवसेनेकडून नरेंद्र पाटील रिंगणात उतरले आहेत. गेल्या दोन पंचवार्षिकला उदयनराजे भोसले यांनी सातार लोकसभा मतदार संघातून सहज बाजी मारली आहे. त्यामुळे या वेळेस देखील उदयनराजे सहज बाजी मारणार का याकडे साऱ्यांचे लक्ष असणार आहे.