fbpx

मोदींची केदारनाथ यात्रा आदर्श आचारसंहितेचा भंग करणारी : तृणमूल कॉंग्रेस

टीम महाराष्ट्र देशा :लोकसभा निवडणूकीच्या सातव्या आणि शेवटच्या टप्यातील मतदान आज होत आहे. सात राज्यांतील ५९ जागांसाठी हे मतदान होत आहे. तत्पूर्वी शुक्रवारी अंतिम टप्यातील निवडणुकीच्या प्रचाराची सांगता झाली. त्यामुळे प्रचाराच्या रणधुमाळीत व्यस्त असलेल्या अनेक राजकीय नेत्यांना काही दिवसांची उसंत मिळाली. ही उसंत मिळताच पंतप्रधान नरेंद्र मोदी यांनी केदारनाथ यात्रा काढली. मात्र ही यात्रा आदर्श आचारसंहितेचे उल्लंघन करणारी आहे असा आरोप करत तृणमूल काँग्रेसने निवडणूक आयोगाला पत्र लिहित मोदींच्या यात्रेवर आक्षेप नोंदवला आहे.

या पत्रामध्ये तृणमूल काँग्रेसने लिहिलं आहे की, लोकसभा निवडणुकीच्या शेवटच्या टप्प्यातील मतदान अजून संपलेलं नाही. तेरी देखील पंतप्रधान नरेंद्र मोदी केदारनाथ यात्रेवर आहेत मात्र या यात्रेला मिडीयाकडून मोठ्या प्रमाणात कव्हरेज मिळत आहे हे आचारसंहितेचे उल्लंघन आहे असं लिहिण्यात आलं आहे.

दरम्यान यासंदर्भात निवडणूक आयोगाने पंतप्रधान कार्यालयाची देखील कानउघडणी केली होती.तर मोदींच्या या यात्रेवर राजकीय वर्तुळातील अनेक नेत्यांनी आक्षेप नोंदवला असून खवचट टीका देखील केल्या आहेत.

‘मैं, मेरी तन्हाई और कॅमेरामन’ धनंजय मुंडेंनी उडवली मोदींची खिल्ली

प्रचारातून सुट्टी मिळताच पंतप्रधान नरेंद्र मोदी केदारनाथाच्या दर्शनाला