मुंबई : कन्नड सुपरस्टार यशने अल्पावधीतच प्रचंड लोकप्रियता मिळवली आहे. अभिनेता यशने (yash) प्रशांत नील दिग्दर्शित ”KGF Chapter 1” या चित्रपटाच्या माध्यमाने प्रेक्षकांच्या मनामध्ये ठसा उमटविला आहे. आज त्याचा ३५ वा वाढदिवस साजरा करत आहे. सोशल मीडियावर त्याच्या चाहत्यांकडून त्याला शुभेच्छांचा वर्षाव होत आहे.
यशचा जन्म ८ जानेवारी १९८६ रोजी झाला. अभिनेता यशचे खरे नाव नवीन कुमार गौडा (Naveen Kumar Gowda) असून त्याचे वडील अरुण कुमार (Arun Kumar) कर्नाटक परिवहन सेवेत चालक आहेत आणि आई पुष्पा गृहिणी आहेत. यशने आपल्या फिल्मी करिअरची सुरुवात मोग्गीना मनसू (२००८) मधून केली होती. यशने राजधानी, मिस्टर अँड मिसेस रामाचारी आणि किरतका सारखे चित्रपट केले असले तरी, त्याला खरी ओळख KGFचित्रपटाने दिली असे म्हटल्यास वावगे ठरू नये. यशच्या वाढदिवसानिमित्त त्याच्याशी संबंधित काही गोष्टी जाणून घेऊ या.
दरम्यान यशने अशोक कश्यप दिग्दर्शित ‘नंदा गोकुळा’ (‘Nanda Gokula’) या टेलिव्हिजन मालिकेतून आपल्या सिनेसृष्टीतील करिअरची सुरुवात केली. चित्रपटसृष्टीत त्यांना यश ‘रॉकी’ या नावाने ओळखले जाते. यशचे बालपण म्हैसूर येथे गेले जेथे त्याचे शालेय शिक्षण महाजन हायस्कूलमध्ये झाले. त्याच्या अभ्यासानंतर, तो बिनाका नाटक मंडळात सामील झाला. यशने २०१३ सालानंतर यशाचे शिखर उंचावत गेले. त्यानंतर २०१८ मध्ये रिलीज झालेला KGF हा कन्नड सिनेमातील सर्वाधिक बजेट असलेला चित्रपट होता. या चित्रपटाने जगभरात २५० कोटींचा व्यवसाय केला. हा चित्रपट प्रदर्शित झाल्यानंतर यश हा एक प्रसिद्ध चेहरा बनला. आज यशच्या ‘KGF: Chapter 2’ ची देशभर प्रतीक्षा आहे.
आज यश सुमारे ५० कोटींच्या मालमत्तेचा मालक असून यशचा बंगळुरूमध्ये सुमारे चार कोटी रुपयांचा आलिशान बंगलाही आहे. तसेच यशने गेल्या वर्षीच दुसरे घर घेतले होते. यशने एका मुलाखतीत सांगितले होते की, ‘त्यांचे वडील अजूनही बस ड्रायव्हर म्हणून काम करत आहेत आणि त्यांच्यासाठी हे खूप महत्त्वाचे आहे. यश हे सामाजिक कार्यासाठीही ओळखले जातात. २०१७ मध्ये त्यांनी यश मार्ग फाउंडेशन सुरू केले. या फाऊंडेशनने कोप्पल जिल्ह्यात चार कोटी रुपये खर्चून एक तलाव बांधला आहे, ज्यातून लोकांना पिण्याचे शुद्ध पाणी मिळते.
यशने त्याची सह-अभिनेत्री राधिका पंडितशी लग्न केले. दोघांनी पहिल्यांदा मिस्टर आणि मिसेस रामाचारीला सेटवर भेटले. दोघांची एंगेजमेंट १२ ऑगस्ट २०१६ रोजी गोव्यात झाली होती. त्यानंतर 9 डिसेंबर 2016 रोजी त्यांनी बंगळुरूमध्ये एका खाजगी समारंभात लग्न केले. इतकंच नाही तर यशने आपल्या लग्नाच्या रिसेप्शनसाठी संपूर्ण कर्नाटकाला आमंत्रित केलं होतं. दोघांना दोन मुले आहेत. आता यशच्या आगामी ‘KGF: Chapter 2’ ची देशभर प्रतीक्षा असून या चित्रपआबद्दल चाहत्यांमध्ये उत्सुकता आहे.
महत्वाच्या बातम्या:
- “बुलेटप्रूफ कवच असलेल्या गाड्यांमुळे नव्हे, तर देवकृपेने आपले पंतप्रधान वाचले”
- पंतप्रधान मोदींच्या दीर्घायुष्यासाठी तुषार भोसलेंनी केला महामृत्यूंजय मंत्रजाप
- ‘एसटी कर्मचाऱ्यांच्या सहनशक्तीचा अंत बघणाऱ्या मुर्दाड सरकारचा तीव्र निषेध’, भातखळकरांचा हल्लाबोल
- “ताफा अडवल्यानंतर मोदींना कोणी दगड मारला की त्यांना दुखापत झाली?”
- टक्कलपण आणि केस गळती बनला दक्षिण कोरियाचा निवडणूक मुद्दा; नेमके प्रकरण काय?
>>> TOP CATEGORIES - राजकारण । क्रीडा बातम्या । कृषी बातम्या । आरोग्य बातम्या | मनोरंजन बातम्या । नोकरी बातम्या । मुंबई बातम्या । पुणे बातम्या । औरंगाबाद बातम्या । नाशिक बातम्या। नागपूर बातम्या । व्हिडीओ बातम्या । Trending News <<<
>>> आमच्या सोशल मीडिया फेसबुक आणि टेलिग्राम ग्रुप मध्ये सामील व्हा! फेसबुक & टेलिग्राम ग्रुप <<<
>>> आपल्या परिसरातील महत्त्वाच्या समस्यांना वाचा फोडून, तुमच्या बातमीने बदल घडवा. { बातमी पाठवा SUBMIT NEWS } <<<
