fbpx

भाजपने बारामतीतून लढावं, सुप्रिया सुळे यांनी स्वीकारले मुख्यमंत्र्यांचे आव्हान

पुणे – लोकशाहीमध्ये सगळ्यांना निवडणूक लढण्याचा अधिकार आहे. भाजप नेते आपल्या पक्ष वाढीसाठी बारामतीतुन उमेदवार देण्याचं बोलत असतील, त्यांनी बारामतीतून लढावं. जनता योग्य तो निर्णय करेल, असे म्हणत खा. सुप्रिया सुळे यांनी मुख्यमंत्र्यांच आव्हान स्वीकारले आहे. बारामती लोकसभा मतदारसंघातील शालेय विद्यार्थिनींसाठी आयोजित सायकल वाटपाचा कार्यक्रमातनंतर त्या माध्यमांशी बोलत होत्या.

काल पुण्यामध्ये भाजपच्या शक्ती केंद्र प्रमुखांची बैठक आयोजित करण्यात आली होती. यावेळी प्रदेशाध्यक्ष रावसाहेब दानवे, मुख्यमंत्री देवेंद्र फडणवीस आणि राष्ट्रीय अध्यक्ष अमित शाह या तिघांनीही बारामती लोकसभा मतदारसंघात कमळ फुलवण्याचे सूतोवाच केले आहे. त्यानंतर आता पवारांच्या गडामध्ये जाऊन भाजप त्यांना आव्हन देणार असल्याचे बोलले जात आहे.

दरम्यान, मुख्यमंत्र्यांनी केलेल्या विधानवर विचारलं असता सुप्रिया सुळे म्हणाल्या, प्रत्येक पक्ष आपल्या वाढीसाठी प्रयत्न करत असतो. आम्ही ज्या मतदारसंघात जातो जिथे आमचा खासदार नसेल तर आमचा खासदार निवडून यावा अशी आशा असते. लोकाशाहीमध्ये सगळ्यांना लढण्याचा अधिकार आहे. भाजपने बारामतीतून लढावं. जनता योग्य तो निर्णय करेल.

अमोल पालेकर यांना बोलू न देणे हे योग्य नाही. सध्या जो बोलतो त्याचा गळा दाबण्याचे काम सुरू आहे, मी पालेकर यांच्या मागे ठामपणे उभी असल्याचं ही यावेळी सुळे म्हणाल्या.

2 Comments

Click here to post a comment