fbpx

पूरग्रस्तांना दिलासा; राज्य सरकारने केंद्राकडे मागितले ६ हजार ८०० कोटी रुपये

टीम महाराष्ट्र देशा : सतत पडणाऱ्या पावसामुळे सांगली आणि कोल्हापूर जिल्ह्यात नद्यांना पूर आल्यामुळे जनजीवन पूर्णपणे विस्कळीत झालेले आहे. तसेच नागरिकांचे मोठ्या प्रमाणात आर्थिक नुकसान झालेले आहे. तसेच या पूरग्रस्तांसाठी सरकार सर्वतोपरी मदत करताना दिसत आहे. तसेच पूरग्रस्त भागाच्या विकासासाठी विविध सामाजिक संस्थांनीही पुढाकार घेतलेला दिसत आहे.

मुख्यमंत्री देवेंद्र फडणवीस यांनी पूरग्रस्त भागाच्या विकासासाठी ६ हजार ८०० कोटी रुपयांची मागणी केंद्र सरकारकडे करणार असल्याची माहिती दिली. यामध्ये ४ हजार ७०० कोटी सांगली आणि कोल्हापूरसाठी तर २ हजार १०५ कोटी कोकण, पुणे आणि उर्वरित महाराष्ट्रासाठी असणार आहे. त्याच बरोबर पडलेली घरं पुन्हा बांधून देण्याचं आश्वासन फडणवीस यांनी दिले.

दरम्यान, राज्यसभेचे खासदार छत्रपती संभाजीराजे यांनी पूरग्रस्तांना ५ कोटी रुपये मदत करणार असल्याची घोषणा केली आहे. त्यांनी ट्वीट करून ही माहिती दिली. या ट्वीटमध्ये त्यांनी ‘माझ्या निधीतून ५ कोटी रुपये महापुराने प्रभावित क्षेत्रात खर्च करण्याचा संकल्प मी केला आहे. मला हे माहिती आहे, की रयतेच्या सेवेकरिता हे काहीही नाही. ही एक सुरुवात आहे. शिव शाहू विचारांसाठी आणि समाज सेवेसाठी माझं संपूर्ण जीवनच समर्पित आहे’ अशी माहिती दिली आहे.

तसेच राज्य सरकारकडूनही पूरग्रस्तांना १५४ कोटी रुपयांचा निधी मदत म्हणून देण्यात येणार आहे. हा निधी मृत व्यक्तींचे परिवार, जखमी तसेच पूरग्रस्तांना देण्यात येणार असल्याची माहिती सरकारतर्फे देण्यात आली आहे. त्यामुळे या बाधित नागरिकांना सरकारच्या आर्थिक मदतीमुळे झालेलं नुकसान भरून काढण्यास मदत होणार आहे त्यामुळेच सरकारने हा निर्णय घेतला आहे.

महत्वाच्या बातम्या