भाजपच्या रॅलीसाठी बुक केलेल्या गाडीवर दगडफेक

टीम महाराष्ट्र देशा – भाजपाध्यक्ष अमित शहा आज कोलकत्ता येथील माया रोड येथे युवा समावेश रॅलीला संबोधित करणार आहेत. मात्र पश्चिम बंगालमध्ये या रॅलीला विरोध करण्यात येत आहे. रॅलीच्या ठिकाणी तृणमूल काँग्रेसकडून मोठ्या प्रमाणात पोस्टरबाजी करण्यात आली आहे. या पोस्टर्सवर ‘बंगालविरोधी भाजप चले जाव’, असे लिहिण्यात आले आहे. चंद्रकोना येथील भाजप समर्थकांच्या गाडीच्या काचाही फोडण्यात आल्या आहेत.

अमित शहा युवा समावेश रॅली करत असून भाजप कार्यकर्त्यांना मार्गदर्शन करणार आहेत. कारण आगामी लोकसभा निवडणुकांसाठी पश्चिम बंगालमध्ये भाजपला शिरकाव करायचा आहे. त्यादृष्टीने भाजपचे प्रयत्न आहेत. पश्चिम बंगालमध्ये लोकसभेच्या 42 जागा आहेत. तर येथील 22 जागांवर विजय मिळवण्याचे भाजपचे लक्ष्य आहे.

दरम्यान, कोलकाता येथील भाजपचे अमिताभ राय यांनी पोस्टरबाजी आणि झेंड्यांवरुन तृणमूलला लक्ष्य केले आहे. गुरुवारी रॅलीसाठी व्यासपीठाची उभारणी होत होती, त्यावेळी तृणमूलच्या काही गुंडांनी येथील कामगारांना धमकी दिली. प्रत्येक ठिकाणी तृणमूलचे झेंडे असून आम्ही त्यांना उतरवणार नाहीत. तसेच आम्ही भाजपविरोधी पोस्टर्स लावले नसल्याचेही तृणमूलचे महासचिव पार्थ चटर्जी यांनी म्हटले. मात्र, हे तृणमूलनेच भाजपविरोधी पोस्टर लावल्याचा दावा येथील भाजप नेत्यांनी केला आहे.

शुक्रवारी रात्री काही अज्ञातांकडून भाजपच्या रॅलीसाठी बुक केलेल्या गाडीवर दगडफेक करण्यात आली. या गाडीतून भाजपच्या कार्यकर्त्यांना रॅलीसाठी आणण्यात येणार होते. एनआरसीच्या मुद्द्यावरुन भाजप आणि तृणमूल काँग्रेसमध्ये सध्या वातावरण तापल्याचे चित्र पहायला मिळत आहे.

भाजप मंत्र्याविरोधात बलात्काराचा गुन्हा

औरंगाबाद – किती दिवस कंपन्या ‘बंद’ ठेवाव्यात; उद्योजकांचा आक्रमक प्रश्न

 

Gadgil