fbpx

मी राजकारणात येऊ का ? दंबग पोलीस अधिकारी भानुप्रताप बर्गे यांचा फॉलोअर्सना प्रश्न

टीम महाराष्ट्र देशा : पुणे पोलीस दलातून नुकतेच निवृत्त झालेले पोलीस अधिकारी भानुप्रताप बर्गे राजकारणात उतरणार असल्याची चर्चा सध्या सुरू आहे. खुद्द बर्गे यांनी फेसबुकवर पोस्ट करत ‘मी राजकारणात प्रवेश करू का ? अशी विचारणा आपल्या फॉलोअर्सला केली आहे. त्यामुळे विधानसभा निवडणुकीच्या आखड्यात ते उभे टाकण्याची शक्यता वाढली आहे.

विधानसभा निवडणुकीच्या पार्श्वभूमीवर राजकीय पक्षांनी मोर्चेबांधणीला सुरुवात केली आहे. दुसऱ्या पक्षातील नेत्यांना गळाला लावण्यासाठी कुरघोडीचे राजकारण जोरात रंगताना दिसत आहे. यामध्ये प्रशासनात काम केलेले अधिकारी देखील राजकारणात प्रवेश करण्यासाठी उत्सुक असल्याचं दिसत आहे. भानुप्रताप बर्गे यांची पोलीस दलातील कामगिरी धडाकेबाज राहिली आहे.

१९ एन्काऊंटर, ४०० हुन अधिक राष्ट्रीय-आंतरराष्ट्रीय स्तरावरील पुरस्कार बर्गे यांच्या नावावर आहेत. पुणे शहरात काम करत असताना सर्व पक्षातील नेत्यांशी त्यांचा संपर्क राहिलेला आहे. आता निवृत्तीनंतर त्यांना राजकारणाचे वेध लागल्याचं स्पष्ट झालं आहे. पुण्यातील शिवाजीनगर मतदारसंघातुन भाजप अथवा शिवसेनेकडून ते लढण्याची शक्यता आहे.

महत्वाच्या बातम्या