महापुरात घर पडलं शाळेची पुस्तकही वाहिली, मोडलेला संसार उभारायला शिवसेना धावली

टीम महाराष्ट्र देशा: कोल्हापूर, सांगलीत आलेल्या महापुरानं अक्षरशः थैमान घातले. लाखो लोकांना पुरामुळे स्थलांतरित करावं लागलं. पुराचे पाणी ओसरल्यानंतर आता विदारक चित्र समोर येत आहे. अनेक घरांची पडझड झाली असून घरातील सर्व साहित्य वाहून गेलं आहे. यामध्ये मोडलेले संसार उभारण्यासाठी अनेकजण पुढे सरसावले आहेत.

पुरामुळे शाळेचं दप्तर भिजलं म्हणून रडणाऱ्या कोल्हापूरमधील काव्यांजली कांबळे या चिमुरडीचा व्हिडीओ सोशल मीडियावर व्हायरल झाला होता. हा व्हिडीओ पाहून अनेकांनी हळहळ व्यक्त केली तर दानशूर व्यक्तींनी आणि सामाजिक संस्थांकडून काव्यांजलीला वह्या-पुस्तकं दिली आहेत.

Loading...

गेल्या दहा दिवसांपासून शिवसेना वैद्यकीय कक्षाच्या वतीने पूरग्रस्तांची आरोग्य तपासणी केली जात आहे. वैद्यकीय कक्षाचे प्रमुख मंगेश चिवटे आणि शिवसेना नेते रुपेश म्हात्रे यांनी काव्यांजलीच्या सिद्धार्थ नगर येथील घराला भेट दिली. यावेळी घराची झालेली पडझड पाहून काव्यांजलीचे घर शिवसेना नव्याने बांधून देणार असल्याची घोषणा त्यांनी तात्काळ केली.

चिमुरडीचं घर उभारण्याच्या कामाची सुरुवात म्हणून रोख स्वरुपात 2 लाख रुपयांची मदतही म्हात्रे यांनी केली. तसेच, शिवसेना वैद्यकीय मदत कक्ष आणि डॉ जे.बी. भोर यांनीही रोख 25 हजार रुपयांची मदत दिली आहे. त्यामुळे सामन्यांच्या मदतीला धावून जाण्याची शिवसेनाप्रमुख बाळासाहेब ठाकरे यांची शिकवण सेनेचे शिलेदार सत्यात उतरवताना दिसत आहे.

दरम्यान, गेल्या दहा दिवसांपासून शिवसेना वैद्यकीय मदत कक्षाकडून कोल्हापूर व सांगलीच्या पूरग्रस्त भागात आरोग्य शिबीरं घेत नागरिकांची तपासणी करण्यात आली आहे. खा. डॉ श्रीकांत शिंदे यांच्या मार्गदर्शनाखाली काम करणाऱ्या कक्ष प्रमुख मंगेश चिवटे आणि त्यांच्या टीमचे युवासेना प्रमुख आदित्य ठाकरे यांनी कौतुक केले. विशेष म्हणजे आरोग्यमंत्री एकनाथ शिंदे हे देखील गेली 10 दिवस कोल्हापूर व सांगलीच्या भागामध्ये नागरिकांच्या मदतीसाठी तळ ठोकून आहेत.

महत्वाच्या बातम्या 

 

Loading...
Loading...




Loading…




Top Posts

टीकाकारांच्या नाकावर टिच्चून इंदुरीकर महाराजांची मोशीत काढली मिरवणूक
इंदुरीकर महाराज समर्थकांकडून तृप्ती देसाईंचे होणारे चारित्र्यहनन महिला प्रतिनिधींना दिसत नाही का?
इंदुरीकर महाराज तुम्ही अजिबात त्रास करून घेऊ नका : रुपाली पाटील- ठोंबरे
जगात शिवसेनेएवढे 'नीच' राजकारण कोणीच करू शकत नाही
'आपली कपॅसिटी संपली, उद्या-परवाचा दिवस बघेन आणि किर्तन सोडून शेती करेन'
मी 'गमतीजमती' सुरु केल्या तर, तुमच्या मदतीलाही कोणी येणार नाही : अजित पवार
इंदुरीकर महाराजांचे वक्तव्य दुर्दैवी : खासदार सुप्रिया सुळे
तृप्ती देसाईंवर अश्लील टीका करणाऱ्यांचा किशोरी शहाणेंनी  घेतला समाचार
इंदुरीकर महाराज तुम्ही कीर्तन सोडू नका,संयम ठेवा,अवघा महाराष्ट्र आपल्या सोबत आहे : बानगुडे पाटील
आता 'यां'नीही केला CAA आणि NRC ला विरोध, शरद पवारांची घेतली भेट