Sanjay Raut | मुंबई : महाराष्ट्राचे राज्यपाल भगतसिंग कोश्यारी यांनी छत्रपती शिवाजी महाराजांबाबत केलेल्या वादग्रस्त विधानावरून पुन्हा एकदा वादाला तोंड फुटले आहे. शिवसेनेच्या उद्धव ठाकरे गटाच्या नेत्यांनी कोश्यारींनी महाराष्ट्राची नासधूस केल्याचा आरोप केला आहे. उद्धव ठाकरे यांच्या शिवसेनेच्या नेत्यांनी रस्त्यावर उतरून राज्यपालांचा निषेध केला. या पार्श्वभूमीवर शिवसेना खासदार संजय राऊत यांनी राज्यापालांवर टीका केली आहे.
“आम्ही भगतसिंग कोश्यारी यांना राज्यपाल म्हणून स्वीकारायला तयार नाही, ते भाजपचे प्रचारक आहेत. जे राज्यपाल आहेत ते संविधानाची काळजी घेतात, पण राज्यपाल (भगतसिंग कोश्यारी) ज्या पद्धतीने कोणतेही वक्तव्य करतात, त्यामुळे महाराष्ट्रातील जनता संतप्त आहे. याला जनता विरोध करत असून, महाराष्ट्रात राज्यपालांची प्रतिष्ठा पणाला लागली आहे”, अशी प्रतिक्रिया संजय राऊत यांनी दिली.
राऊत पुढे म्हणाले की, सरकारने आपल्या बोलण्यात आणि आचरणात मोठेपण दाखवावे, पण सरकार छत्रपती शिवाजी महाराज, महात्मा फुले किंवा सावित्रीबाई फुले यांच्यावर बोलतात, त्यांना महाराष्ट्राची चेष्टा करायची आहे का?
विशेष म्हणजे राज्यपाल कोश्यारी यांच्या वक्तव्यावरून राजकीय वाद आणखी वाढला आहे. काँग्रेस, राष्ट्रवादी काँग्रेस आणि शिवसेनेचे नेते राज्यपालांच्या राजीनाम्याची मागणी करत आहेत. यापूर्वी संजय राऊत यांनी कोश्यारी यांच्या वक्तव्याला राज्याचा अपमान असल्याचे म्हटले होते.
महत्वाच्या बातम्या :
- IND vs NZ | हॉटस्टार नाही तर ‘या’ ॲपवर दिसणार भारत विरुद्ध न्यूझीलंड तिसरा टी 20 सामना
- Eknath Khadse | “माझ्या घरात घराणेशाही आहे म्हणता, मग तुमच्या घरात…”; खडसेंचा गिरीश महाजनांना खोचक सवाल
- MNS | छत्रपती शिवाजी महाराजांबद्दल केलेल्या वक्तव्याबाबत राज्यपालांना मनसेकडून उत्तर; म्हणाले, “हिमालयातून आलेल्या….”
- Eknath Khadse | “मुलाची हत्या की आत्महत्या, बोलायला लावू नका”, महाजनांच्या वक्तव्याला खडसेंचे प्रत्युत्तर; म्हणाले,
- Sanjay Gaikwad | “…तर शिंदे गट आणि भाजपात वितुष्ट निर्माण होऊ शकतं”; शिंदे गटातील आमदाराचा इशारा
