मुंबई : महाराष्ट्रातील पत्रा चाळ घोटाळ्याप्रकरणी शिवसेना खासदार संजय राऊत ईडीच्या (अंमलबजावणी संचालनालय) ताब्यात आहेत. त्यांची ईडी कोठडी काल संपणार होती त्यामुळे काल दुपारी त्यांना न्यायालयात हजार करण्यात आले. त्यांच्या जामीन अर्जावर कोर्टात सुनावणी देखील पार पडली. मात्र कोर्टाकडून संजय राऊत यांना ८ ऑगस्टपर्यंत ईडीची कोठडी सुनावण्यात आली. त्यामुळे राऊत सध्या ईडी कोठडीत आहेत. तर आज राऊतांनी कोठडीतून काँग्रेस नेते मल्लिकार्जून खरगे यांना पत्र पाठवलं आहे. हे पत्र सोशल मीडियावर पोस्ट करण्यात आलं आहे.
पत्रात संजय राऊत म्हणतात, “जय महाराष्ट्र! म्हणतात ना संकटाच्या काळातच आपले शुभचिंतक कोण आहेत, हे कळतं. केंद्र सरकारने केंद्रिय तपास यंत्रणांना हाताशी धरून माझ्याविरोधात सुरु केलेल्या राजकीय कट कारस्थानात तुम्ही मला दिलेल्या पाठिंब्याबद्दल मी तुमचा आभारी आहे. माझा सत्यासाठी सुरु असलेला लढा सुरुच राहिल. कितीही दबाव आला तरी मी दबावाला बळी पडणार नाही. झुकणार नाही. वंदनीय हिंदुहृदय सम्राट बाळासाहेब ठाकरे नेहमी म्हणायचे, ‘रडायचं नाही, लढायचं.. सत्यासाठी लढायचं.’ या लढ्यात तुम्ही तुमच्या शब्दांमधून, कृतीमधून आणि विचारांमधून मला पाठिंबा आणि आधार दिल्याबद्दल मला तुमचे आभार मानायचे आहेत.”
Shiv Sena leader Sanjay Raut who is arrested by ED in connection with money laundering case, writes to Opposition leaders for supporting him in his fight. He said they will not cry but fight for what is right. @NewIndianXpress @TheMornStandard pic.twitter.com/nePfESGghV
— Sudhir Suryawanshi (@ss_suryawanshi) August 5, 2022
पत्रात पुढे ते लिहतात कि, “संसदेत आणि संसदेबाहेर यामुद्द्यांवर आवाज उठवल्याबद्दल, माझ्या पक्षाच्या आणि सहकाऱ्यांच्या भूमिकेला सहमती दर्शवल्याबद्दल धन्यवाद! वेळ आणि संयम ही दोन मोठे योद्धे असतात. हाच विचार, बाळासाहेब ठाकरेंची शिकवण, उद्धव ठाकरेंचा पाठिंबा तसेच माझ्या कुटुंबियांच्या आणि हितचिंतकांच्या साथीमुळे आपण ही लढाई नक्की जिंकू, असा मला विश्वास आहे. तुम्हा सर्वांना शुभेच्छा आणि लवकरच भेटू. -आपला विश्वासू संजय राऊत.” तर राऊतांनी पाठवलेलं हे पत्र सध्या सोशल मीडियावर तुफान व्हायरल होत आहे.
महत्वाच्या बातम्या:
- Congress। प्रियांका गांधींना पकडण्यासाठी पोलिसांचा घेराव
- CM Mamata Meets PM Modi : मुख्यमंत्री ममता बॅनर्जी यांनी घेतली पंतप्रधान नरेंद्र मोदींची भेट
- Amruta fadnavis | ‘कशी नशिबानं थट्टा आज मांडली’ हे गाणं ऐकल्यावर अमृता फडणवीसांना कोण आठवलं?; पहा VIDEO
- Deepak Kesarkar । नारायण राणेंना मंत्रिपद दिल्याने उद्धव ठाकरेंचं भाजपसोबत बोलणं रखडलं – दीपक केसरकर
- Nana Patole | भाजपचा देश विकून कारभार सुरु आहे – नाना पटोले
>>> आमच्या सोशल मीडिया फेसबुक आणि टेलिग्राम ग्रुप मध्ये सामील व्हा! फेसबुक & टेलिग्राम ग्रुप <<<
>>> आपल्या परिसरातील महत्त्वाच्या समस्यांना वाचा फोडून, तुमच्या बातमीने बदल घडवा. { बातमी पाठवा SUBMIT NEWS } <<<
