fbpx

अवघी मुंबई पाण्यात तरीही संजय राऊतांना सुचते शेरो-शायरी

टीम महाराष्ट्र देशा : गेल्या दोन दिवसाच्या पावसामुळे मुंबईतील जनजीवन विस्कळीत झाले आहे. तर मुंबईतील अनेक सखल भागात पाणी साचलं आहे. त्यामुळे मुंबईकरांना पावसाला सुरवात होताच हालपेष्टा सहन कराव्या लागत आहेत. अशातच शिवसेनेचे नेते संजय राउत यांनी शेरो-शायरी ट्वीट करत नव्या वादाला तोंड फोडले आहे.

मुंबई महापालिकेवर शिवसेनेची गेल्या अनेक वर्षांपासून सत्ता आहे. पण पाणी तुंबण्यावर महापालिकेला अनेक अनुभवांनंतरही तोडगा काढता आलेला नाही. त्यातच मुंबईकर बेहाल झालेले असताना शिवसेना खासदार संजय राऊत यांनी शेरोशायरी केली आहे. त्यांनी कुछ तो चाहत रही होगी इन बारिश की बूँदों की भी, वर्ना कौन गिरता है इस जमीन पर आसमान तक पहुँचने के बाद ! हा शेर ट्वीट केला आहे.

दरम्यान, अवघी मुंबई पाण्यात बुडालेली असताना महापौर विश्वनाथ महाडेश्वरांनी “मुंबई कुठेही तुंबली नाही, मुंबईत सर्व काही आलबेल सुरु आहे. तुम्ही उगाच प्रश्न निर्माण करु नका“, असा अजब दावा केला होता. त्यामुळे त्यांच्यावर चहुबाजूने टीका झाली होती.