‘या’ मराठी अभिनेत्याने केला राज ठाकरेंचा ‘जाणता राजा’ असा उल्लेख !

टीम महाराष्ट्र देशा : महाराष्ट्र नवनिर्माण सेनेचे आज (ता. २३) भव्य महाअधिवेशन होत आहे. या महाअधिवेशनाच्या निमित्ताने आज मनसे अध्यक्ष राज ठाकरे यांचे सुपुत्र अमित ठाकरे यांची पक्षनेतेपदी निवड करण्यात आली. मनसेचे ज्येष्ठ नेते बाळा नांदगावकर यांनी ठराव मांडून अमित ठाकरेंचं जोरदार लाँचिंग केलं.

बाळासाहेबांच्या जयंतीचं औचित्य साधून गोरेगावच्या नेस्को कॉम्प्लेक्समध्ये मनसेनं महाअधिवेशनाचं आयोजन केलं आहे. या अधिवेशनात राज ठाकरेंनी आपल्या झेंड्याचं अनावरण केलं. त्यानंतर मराठी अभिनेता संजय नार्वेकर यांनी भाषण केले. भाषणाची सुरुवात करताना त्यांनी मनसे अध्यक्ष राज ठाकरे यांचे कौतुक करत त्यांचा ‘जाणता राजा’ असा उल्लेख केला. त्यानंतर नार्वेकर यांनी लागलीच स्पष्टीकरण दिले. राज ठाकरे यांचे नाव राज असल्याने त्यांचा ‘जाणता राजा’ असा उल्लेख केला असे स्पष्टीकरण संजय नार्वेकर यांनी दिले.मनसेच्या संजय नार्वेकर यांनी ठराव मांडले. यात सिने आणि नाटक क्षेत्राशी संबंधित ठराव होते.

Loading...

दरम्यान,मनसे नेते अविनाश अभ्यंकर यांनी उपस्थितांना संबोधित केलं आहे. यावेळी बोलताना अभ्यंकर म्हणाले, पक्ष स्थापन झाल्यानंतर आपल्या अनेक संघटना स्थापन झाल्या, प्रत्येक संघटनेनं उल्लेखनीय अशी कामं केलेली आहेत. पक्ष फक्त 13 वर्षांचा आहे, पण जनतेच्या राज ठाकरे आणि आपल्याकडून प्रचंड जास्ती अपेक्षा आहेत. मराठी भाषा, अस्मिता आणि संस्कृतीसाठी 100हून अधिक केसेस राज ठाकरेंनी अंगावर घेतल्या असल्याचा दावा अभ्यंकर यांनी केला.

अभ्यंकर पुढे बोलताना म्हणाले, कुठल्याही विषयावर राज ठाकरेंनी नेहमीच कठोर भूमिका घेतलेली आहे. कायद्याच्या कचाट्यात अडकलेले आपले सण महाराष्ट्र नवनिर्माण सेनेमुळेच निडरपणे साजरे झाले. आजवर पक्षाने अनेक स्थित्यंतरं पाहिली, अनेक निर्भीड राजकीय भूमिका घेतल्या, तडफेने आंदोलनं केली. जेट कर्मचाऱ्यांना न्याय देणारं आंदोलन, मराठी चित्रपटांना हक्काचं स्थान चित्रपटगृहांत मिळवून दिलं, आझाद मैदानावर धर्मांधांनी जेव्हा धुडगूस घातला, तेव्हा बेधडकपणे आपण मोर्च्याने त्याला उत्तर दिलं होतं, असं म्हणत अभ्यंकर यांनी राज ठाकरेंवर स्तुतिसुमनं उधळली.

Loading...
Loading...




Loading…




Top Posts

टीकाकारांच्या नाकावर टिच्चून इंदुरीकर महाराजांची मोशीत काढली मिरवणूक
शिवसेनेचा 'ढाण्यावाघ' ऊझबेकिस्थानात
'पुन्हा निवडणुका झाल्यास भाजपाच्या आमदारांची संख्या १०५ वरुन पंधरावर येईल'
इंदोरीकर महाराजांच्या 'त्या' वक्तव्यावर सिंधुताई सपकाळांची लक्ष्यवेधी प्रतिक्रिया
फक्त विधानसभा कशाला लोकसभेच्या देखील निवडणुका घ्या, पवारांनी फडणवीसांना ललकारलं
इंदुरीकर महाराज समर्थकांकडून तृप्ती देसाईंचे होणारे चारित्र्यहनन महिला प्रतिनिधींना दिसत नाही का?
परळीतील 'त्या' प्रकरणातील आरोपींना अटक, कोणाचीही गय केली जाणार नाही - धनंजय मुंडे
मनसेच्या रणरागिणीचं तृप्ती देसाईंना खुले आव्हान, तू येच...
राजकीय भूकंपाची शक्यता ; भाजपच्या २५ नाराज आमदारांची बैठक
‘सामना’मध्ये छापून आलेल्या नाणार प्रकल्पाच्या जाहिरातीवर मुख्यमंत्री ठाकरेंनी केली भूमिका स्पष्ट, म्हणाले...