म्हणूनच मोदींच्या कार्यक्रमाला मी गैरहजर – खा काकडे

पुणे: पंतप्रधानांच्या कार्यक्रमाचे आमंत्रण नसल्याने मंगळवारी झालेल्या मेट्रो भूमिपूजनाला गैरहजर राहिल्याचं खा संजय काकडे यांनी स्पष्ट केले आहे.  पंतप्रधान मोदींच्या उपस्थितीत मंगळवारी पुणे मेट्रोच्या तिसऱ्या मार्गाचे भूमिपूजन झाले. यावेळी शहरातील सर्व भाजप पदाधिकारी, आमदार खासदार उपस्थित होते. परंतु सहयोगी खा. संजय काकडे हे गैरहजर राहिले होते.

पुण्याचा भावी खासदार कोण या विषयावर आज वाडेश्वर कट्यावर चर्चा भरवण्यात आली होती. यावेळी बोलताना काकडे म्हणाले की, मी आजवर तब्बल भाजपचे जवळपास दीड लाख सभासद बनवले आहेत, माझे मेरिट पाहता पक्ष मला संधी देईल.

वेगवेगळ्या कारणांनी कायम चर्चेत राहणारे भाजपाचे सहयोगी खासदार संजय काकडे 2019 मध्ये पुणे लोकसभा लढण्यासाठी इच्छुक आहेत. कोणत्याही परिस्थितीत निवडणूक लढवायचीच असा निर्धार केलेल्या काकडेंना भाजपकडून सकारात्मक प्रतिसाद मिळत नसल्याचे दिसत आहे. त्यामुळे त्यांनी देखील उमेदवारीसाठी इतर पक्षातून चाचपणी सुरू केल्याची चर्चा आहे. दरम्यान, दस्तुरखुद्द पंतप्रधानांचा कार्यक्रम असतानाही काकडे गैरहजर राहिल्याने अनेकांच्या भुवया उंचावल्या होत्या.

You might also like
Comments
Loading...