‘नारायण राणे’ म्हणतात येत्या अधिवेशनात मी मंत्री असेन

अशोक चव्हाण यांनी मुख्यमंत्री पद भूषवले मात्र नांदेडचे दरडोई उत्पन्न वाढलं नाही,राणेंची टीका

औरंगाबाद : नवीन पक्ष निर्माण केलेल्या नारायण राणे यांनी मी लवकरच मंत्री मंडळात असेल अशी आशा व्यक्त केली आहे. सिंधुदुर्ग जिल्ह्यातल्या तीन विधानसभा आणि लोकसभेवर निवडणूक लढवणार असल्याच आज कुडाळमध्ये झालेल्या पत्रकार परिषदेमध्ये असल्याचंही राणेंनी जाहीर केलं.काँग्रेसमधून बाहेर पडल्यानंतर स्वाभिमानी पक्षाची स्थापना करत नारायण राणेंनी एनडीएमध्ये प्रवेश केला. मंत्रीपदाच दाखवत भाजपनी यशस्वी डाव खेळला. राणे नुकतेच मराठवाड्याच्या दौऱ्यावर असताना त्यांना हा प्रश्न विचारण्यात आला, त्यावेळी ते बोलत होते.

काय म्हणाले नारायण राणे?

आरोग्यम धनसंपदा आयुर्वेद सर्वासाठी

आरोग्यम धनसंपदा आयुर्वेद सर्वासाठी

मंत्रीपदाबाबत लवकरात लवकर याबाबतचा निर्णय घेऊ असा शब्द मुखमंत्र्यांनी मला दिला आहे. मराठवाड्याकडे १३ वर्ष मुख्यमंत्रीपद असूनदेखील मराठवाड्याचा विकास झाला नाही. मराठवाड्याच दरडोई उत्पन्न कमालीचं खालवले आहे. अशोक चव्हाण यांनी मुख्यमंत्री पद भूषवले मात्र नांदेडचे दरडोई उत्पन्न वाढलं नाही. सिंधुदुर्ग जिल्हाचे उत्पन्न तर जास्त आहेच मात्र जिल्हा टँकरमुक्त आहे. मराठवाड्यात अशा पद्धतीने कोणताच विचार केला गेला नाही.

पन्नास वर्षे सत्तेत असणे आणि चार वर्ष सत्तेत यात फरक असून शेतकरी धोरणाबाबत मी मुख्यमंत्र्यांशी बोलणार आहे. मी बोलतो ते करतो. मराठा आणि मुस्लिम आरक्षणसंदर्भात भाजपा सरकारकडून सकारात्मक प्रतिसाद असल्याने आपण एनडीएमध्ये आहे. काँग्रेस सोडल्यानंतर महाराष्ट्रातील चार प्रमुख पक्षांपेक्षा वेगळे आणि भारतीय घटनेशी प्रामाणिक राहून जनतेसाठी काम करता यावं म्हणून मी वेगळ्या पक्षाची स्थापना केली असेही त्यांनी पुन्हा स्पष्ट केले. पक्षाला आयोगाची मान्यता मिळाल्यानंतर कार्यकारणीची निवड केली जाईल आणि येणाऱ्या सर्व निवडणूक पक्ष लढविणार.

Shivjal