रामनाथ कोविंद यांनी घेतली राष्ट्रपती पदाची शपथ

वेबटीम: रामनाथ कोविंद यांनी देशाचे राष्ट्रपती म्हणून  शपथ घेतली आहे. संसदेच्या सेंट्रल हॉलमध्ये आयोजित शपथ ग्रहण सोहळ्यात सरन्यायाधीश जे.एस.केहर हे त्यांना शपथ दिली. रामनाथ कोविंद हे देशाचे  दुसरे दलित राष्ट्रपती आहेत.

दम्यान महामहीम रामनाथ कोविंद हे प्रणव मुखर्जीं यांच्या सोबत राष्ट्रपती भवनपासून संसदेपर्यंत बग्गीत आले होते . रामनाथ कोविंद  हे देशाचे 14 वे राष्ट्रपती असणार आहेत. शपथविधी सोहळ्यासाठी देशाचे सर्वच दिग्गज नेते, राज्यांचे मुख्यमंत्री उपस्थित असणार होते.

Ramnath Kovind- रामनाथ कोविंद भारताचे १४ वे राष्ट्रपती 

Rohan Deshmukh

राष्ट्रपती रामनाथ कोविंद यांचा परिचय

राष्ट्रीय स्वयंसेवक संघाचे स्वयंसेवक असलेले रामनाथ कोविंद हे संघ परिवारातील नेते आहेत. मूळच्या कानपूरच्या असलेल्या कोविंद यांच्यावर मोरारजी देसाई यांचे सरकार असताना मोठी जबाबदारी होती. भाजपच्या मागासवर्गीय आघाडीचे नेतृत्वहि त्यांनी केले आहे.

दोन वेळा राज्यसभेचे खासदार राहिलेले ७१ वर्षीय कोविंद सध्या बिहारचे राज्यपाल होते . विविध संसदीय समित्यांवरही त्यांनी काम केले आहे. यामध्ये अनुसूचित जाती, जमाती कल्याण, गृह, पेट्रोलियम आणि नैसर्गिक वायू, सामाजिक न्याय आणि सक्षमीकरण, कायदा आणि न्याय या समित्यांचा समावेश आहे. उत्तर प्रदेशात मायावतींना आव्हान देण्यासाठी भाजपने दलित समाजातील कोविंद यांना मैदानात उतरवले होते. रामनाथ कोविंद हे केंद्रीय गृहमंत्री राजनाथसिंह यांच्या जवळचे मानले जातात. त्यांनी भाजपमध्ये विविध पदांवर काम केले आहे. कोविंद यांनी २००२मध्ये संयुक्त राष्ट्रांच्या आमसभेत भाषण केले असून विविध देशांना भेटीही दिल्या आहेत.

  • ऑक्टोबर १९४५ रोजी कानपूरमधील छोट्या गावात दलित कुटुंबात जन्म.
  • कानपूर विद्यापीठातून कॉमर्स आणि कायद्याची पदवी.
  • १९७७ ते १९७९ दरम्यान दिल्ली हायकोर्टात केंद्र सरकारचे वकील.
  • १९८० ते १९९३ दरम्यान केंद्र सरकारच्या स्टँडिंग कौन्सिलवर काम.
  • दिल्ली हायकोर्ट, तसेच सुप्रीम कोर्टात सुमारे १६ वर्षे वकिली.
  • १९९८ ते २००२ या काळात भाजप दलित मोर्चाचे अध्यक्षपद सांभाळले.
  • भाजपचे राष्ट्रीय प्रवक्ते म्हणूनही जबाबदारी सांभाळली.
  • १९९४ ते २००० आणि २००० ते २००६ अशी १२ वर्षे राज्यसभेचे सदस्य.
  • ८ ऑगस्ट २०१५ बिहारचे राज्यपाल म्हणून नियुक्ती.
  • एप्रिल १९९४ मध्ये राज्यसभेचे सदस्य म्हणून नियुक्ती. मार्च २००६ पर्यंत, सलग १२ वर्षं खासदारकी.
  • अखिल भारतीय कोळी समाजाचेही ते अध्यक्ष होते.
  • भाजपचे राष्ट्रीय प्रवक्ते म्हणूनही जबाबदारी सांभाळली.
  • लखनऊमधील डॉ. बाबासाहेब आंबेडकर विद्यापीठ आणि कोलकात्याच्या आयआयएममध्ये ते बोर्ड मेंबर होते.

 

 

 

Latur Advt
You might also like
Comments
Loading...