‘शरद पवारांना उपपंतप्रधान पद मिळू शकते’

टीम महाराष्ट्र देशा- पंतप्रधानपदासाठी विरोधकांकडे अनेक उमेदवार आहेत तर भाजपाकडे एकच मोदी आहेत. राहुल गांधींना शरद पवार पाठिंबा देणार नाही तर शरद पवारांना राहुल गांधी पाठिंबा देणार नाही . पण जर का शरद पवार भाजपा आघाडीमध्ये आले तर पवार यांना उपपंतप्रधान पद मिळू शकते असं केंद्रीय मंत्री रामदास आठवले यांनी म्हटलं आहे. वर्धा येथे पत्रकारांशी बोलताना त्यांनी हे वक्तव्य केलं.

यावेळी त्यांनी प्रकाश आंबेडकर आणि एमआयएम युतीवरही भाष्य केलं. त्यांनी हातमिळवणी केली असली तरी त्याचा महाराष्ट्राच्या राजकारणावर फारसा फरक पडणार नाही. प्रकाश आंबेडकर हे डॉ. बाबासाहेबांचे नातू असल्याने आम्ही त्यांचा सन्मानच करतो. ते जर आमच्या टीममध्ये आले तर त्यांना अध्यक्षपदी बसवून त्यांच्या नेतृत्वात काम करण्यास मी तयार आहे. दलितांना न्याय मिळवून देण्याचे राजकारण मी करतो असं ते म्हणाले आहेत.

पवारांनी दुष्काळ आणि टंचाई असे शब्दछळ करू नये : मुख्यमंत्री

शरद पवारांना प्रतिगामी मानत नाहीत- प्रकाश आंबेडकर

जलयुक्त शिवार योजनेचे कोट्यावधी रुपये गेले कुठे?,अजित पवारांचा संतप्त सवाल