उन्हाळी सुट्ट्यांसाठी रेल्वेचे जादा गाड्याचे नियोजन

पुणे : मध्य रेल्वेने उन्हाळी सुट्ट्यांमध्ये होणारी प्रवाशांची गर्दी लक्षात घेता सुट्ट्यामधील जादा गाड्याचे नियोजन केले असून या नियोजनानुसार रेल्वेगाड्याच्या जादा तब्बल 432 फेऱ्या होणार आहेत. मुबंई पुणे नागपूर, पाटणासह जम्मू-तावी पर्यंत यागाड्या सोडण्यात येणार आहेत.एप्रिल ते जून दरम्यानच्या काळात या जादा गाड्या सोडण्यात येणार आहेत.

पुणे रेल्वे स्थानकातून गोरखपूर, मंडूआडीह, पटना आणि बिलासपूर याठिकाणी गाड्या सोडल्या जातील,पुणे-गोरखपूर दरम्यान 4 एप्रिल ते 17 जुून आणि गोरखपूर ते पुणे दरम्यान 10 एप्रिल ते 19 जून या काळात अकरा गाड्याचे एकूण 22 फेऱ्या होणार आहेत. पुणे-पाटणा-पुणे या विशेष गाडीच्या 34 फेऱ्या होणार आहेत. 9 एप्रिल ते 30 जुलै दरम्यान ही गाडी सोडण्यात येणार आहे.

ही रेल्वे गाडी दर सोमवारी रात्री 8.20 मिनिटांनी पुणे रेल्वे स्थानकावरुन सुटणार आहे तर बुधवारी दुपारी 5.45 मिनिटांनी पाटणा येथून ही सुटणार आहे