fbpx

निर्मला सीतारामन यांच्याबाबात केलेली टिपण्णी राहुल गांधीना पडली महागात

rahul_gandhi

टीम महाराष्ट्र देशा- काँग्रेस अध्यक्ष राहुल गांधी यांनी पंतप्रधान नरेंद्र मोदी यांच्यावर टीका करताना संरक्षण मंत्री निर्मला सीतारामन यांच्याबाबात केलेली टिपण्णी महागात पडली आहे. ‘पंतप्रधान नरेंद्र मोदी घाबरले असून आपल्या बचावासाठी त्यांनी महिला मंत्र्याला पुढे केलं आहे’, असं वक्तव्य राहुल यांनी केलं होतं. या वक्तव्यावर राष्ट्रीय महिला आयोगाच्या अध्यक्षा रेखा शर्मा यांनी उघडपणे नाराजी व्यक्त केली. राष्ट्रीय महिला आयोगानं राहुल गांधी यांच्याकडे स्पष्टीकरण मागितलं आहे.

हे विधान गांभीर्याने घेत राहुल गांधी यांनी पुरुषप्रधान मानसिकतेतून हे वक्तव्य केल्याचं म्हणत, आयोगानं राहुल यांना नोटीस बजावली आहे. राहुल गांधी महिलांना कमकुवत मानतात का, असा सवाल करत, राहुल गांधींचं वक्तव्य महिलांची निंदा करणारं आणि अपमानजनक असल्याचं आयोगाच्या अध्यक्षा रेखा शर्मा यांनी म्हटलं आहे. राहुल गांधी यांना नोटीस पाठवून या वक्तव्यामागं त्यांचा काय उद्देश आहे, याचं आयोगानं स्पष्टीकरण मागवलं असल्याचंही शर्मा म्हणाल्या.