fbpx

राधाकृष्ण विखेंना गृहनिर्माण खातं, तर शिवसनेच्या क्षीरसागरांना रोजगार हमी व फलोत्पादन खातं

टीम महाराष्ट्र देशा : अनेक दिवस रखडलेला राज्याचा मंत्रिमंडळ विस्तार अखेर रविवारी झाला. यावेळी नव्याने १३ मंत्र्यांना मंत्रिमंडळात समावून घेण्यात आले. तर विद्यमान ६ मंत्र्यांना मंत्रिमंडळातून वगळण्यात आले. त्यानंतर सायंकाळी नवोदित मंत्र्यांचे खाते वाटप करण्यात आले. काँग्रेसमधून भाजपात दाखल झालेले राधाकृष्ण विखे पाटील यांना प्रकाश मेहता यांच्या गृहनिर्माण खात्याची जबाबदारी देण्यात आली. तर शिवसेनेच्या जयदत्त क्षीरसागर यांना रोजगार हमी व फलोत्पादन खात्याची जबाबदारी दिली.

नव्या मंत्र्यांना मिळालेली खाती…

१) कॅबिनेट मंत्रीपदं

  • अॅड. आशिष शेलार (भाजपा) : शालेय शिक्षण, क्रीडा व युवक कल्याण
  • राधाकृष्ण विखे-पाटील (भाजपा) : गृहनिर्माण
  • राम शिंदे (भाजपा) : पणन व वस्त्रोद्योग
  • डॉ. संजय कुटे (भाजपा) : कामगार, विमुक्त जाती, भटक्या जमाती, इतर मागास वर्ग व विशेष मागास प्रवर्ग कल्याण
  • जयदत्त क्षीरसागर (शिवसेना) : रोजगार हमी व फलोत्पादन
  • डॉ. सुरेश खाडे (भाजपा) : सामाजिक न्याय व विशेष सहाय्य
  • प्रा. डॉ. तानाजी सावंत (शिवसेना) : जल संधारण
  • संभाजी पाटील-निलंगेकर (भाजपा) : अन्न व नागरी पुरवठा, ग्राहक संरक्षण, कौशल्य विकास, माजी सैनिक कल्याण
  • डॉ. अनिल बोंडे (भाजपा) : कृषी
  • डॉ. अशोक उईके (भाजपा) : आदिवासी विकास
  • जयकुमार रावळ (भाजपा) : अन्न व औषध प्रशासन, पर्यटन, राजशिष्टाचार
  • सुभाष देशमुख (भाजपा) : सहकार, मदत व पुनर्वसन

२) राज्य मंत्रीपदं

  • अविनाथ महातेकर (रिपाइं) : समाजिक न्याय आणि विशेष सहाय्य
  • डॉ. परिणय फुके (भाजपा) : सार्वजनिक बांधकाम, आदिवासी विकास व वने
  • संजय भेगडे (भाजपा) : कामगार, पर्यावरण, मदत व पुनर्वसन, भूकंप पुनर्वसन
  • योगेश सागर (भाजपा) : नगरविकास
  • अतुल सावे (भाजपा) : उद्योग व खनीकर्म, अल्पसंख्यांक व वक्फ