मुंबई : महाराष्ट्र विधानसभा निवडणुकीच्या निकालाने भाजपच्या गोटात आनंदाची लाट उसळली असतानाच सत्ताधारी महाविकास आघाडीत मात्र तणावाचे वातावरण स्पष्टपणे दिसून येत आहे. महाविकास आघाडीवे पाच जागा जिंकल्या, तर सहाव्या जागेवरही त्यांचा पराभव झाला आहे. शिवसेनेच्या मतांमध्ये फूट पडल्याने असा निकाल समोर आल्याचे मानले जात आहे. हे निकाल लागल्यानंतर शिवसेनेत बंडखोरीच्या अफवा पसरल्यानंतर मित्रपक्ष काँग्रेस आणि राष्ट्रवादी काँग्रेस आपापल्या आमदारांशी संपर्क साधण्याचा प्रयत्न करत आहेत. शिवसेनेचे ज्येष्ठ नेते एकनाथ शिंदे हे शिवसेनेविरोधातील बंडाचे नेतृत्व करत आहेत. पक्षाच्या किमान १३ आमदारांसह ते सुरतच्या एका हॉटेलमध्ये थांबले आहेत. यासोबत काँग्रेसमधून बाळासाहेब थोरात यांच्याबाबत मोठी बातमी समोर येत आहे.
विधान परिषद निवडणुकीत काँग्रेसला दुसरी जागा जिंकता न आल्याची जबाबदारी बाळासाहेब थोरात यांनी घेतली असून ते काँग्रेस विधिमंडळ पक्षाच्या नेतेपदाचा राजीनामा देण्याची शक्यता असल्याची माहिती सूत्रांनी दिली आहे.
राज्यातील या सर्व घडामोडींच्या पार्श्वभूमीवर शिवसेना पक्षप्रमुख आणि महाराष्ट्राचे मुख्यमंत्री उद्धव ठाकरे यांनी आज दुपारी सर्वपक्षीय आमदारांची तातडीची बैठक बोलावली आहे. दरम्यान, शिवसेनेचे खासदार संजय राऊत यांनी राष्ट्रपतीपदाच्या निवडणुकीसाठी दुसऱ्या दिवशी होणाऱ्या विरोधी पक्षनेत्यांच्या बैठकीत आपला सहभाग रद्द केला असून सर्व महाविकास आघाडीच्या मंत्र्यांना राज्यातच राहण्यास सांगण्यात आले आहे.
देवेंद्र फडणवीस दिल्लीला रवाना
महाराष्ट्रातील राजकीय वातावरण इतके वेगाने बदलले की महाविकास आघाडी सरकार अडचणीत आले. शिवसेना नेते एकनाथ शिंदे ३० हून अधिक आमदारांसह सुरतला पोहोचल्यावर शरद पवार आणि उद्धव ठाकरे यांना तातडीची बैठक बोलावावी लागली. या गदारोळात माजी मुख्यमंत्री आणि भाजप नेते देवेंद्र फडणवीस यांना हायकमांडने दिल्लीत बोलावले आहे.
महत्वाच्या बातम्या :
>>> आमच्या सोशल मीडिया फेसबुक आणि टेलिग्राम ग्रुप मध्ये सामील व्हा! फेसबुक & टेलिग्राम ग्रुप <<<
>>> आपल्या परिसरातील महत्त्वाच्या समस्यांना वाचा फोडून, तुमच्या बातमीने बदल घडवा. { बातमी पाठवा SUBMIT NEWS } <<<
