fbpx

नातवामुळे पवार घराण्याची परंपरा धुळीला, कुटुंबाचा ५० वर्षातील पहिला पराभव

विरेेश आंधळकर: आज लोकसभा निवडणुकांचे निकाल जाहीर होत आहेत, देशासह महाराष्ट्रात भाजप आणि मित्रपक्षांना दणदणीत विजय मिळताना दिसत आहे. संपूर्ण राज्याचे लक्ष लागलेल्या मावळ लोकसभा मतदारसंघात माजी उपमुख्यमंत्री अजित पवार यांचे पुत्र पार्थ पवार यांचा तब्बल २ लाख मतांनी पराभव झाला आहे. पार्थ यांच्या पराभवाने पवार घराण्याची विजयी होण्याची ५० वर्षांची परंपरा मोडली आहे.

मावळ लोकसभा मतदारसंघात यंदा शरद पवार यांच्या नातवाला उमेदवारी देण्यात आली होती. पार्थ पवार यांच्यापुढे शिवसेनेचे श्रीरंग बारणे यांचे तगडे आव्हान होते. मुलाच्या विजयासाठी अजित पवार यांनी संपूर्ण ताकद पणाला लावली होती. मात्र आज जाहीर झालेल्या निकालांमध्ये पिंपरी चिंचवड महापालिके पाठोपाठ मावळमध्ये मतदारांनी अजित पवार यांना नाकारले आहे.

गेली ५०  वर्षांपासून राष्ट्रवादी काँग्रेस अध्यक्ष शरद पवार हे सक्रिय राजकारणात आहेत. विरोधकांकडून टीका होत असताना मागील ५०  वर्षांपासून पवार निवडणुकांत विजयी होत असल्याचा दाखला राष्ट्रवादी नेत्यांकडून दिला जातो. पवार साहेब यांच्या पाठोपाठ सुप्रिया सुळे आणि अजित पवार यांनी देखील आजवर सर्व निवडणूका जिंकल्या आहेत. मात्र दुसरीकडे पवार घराण्यातील तिसऱ्या पिढीचे प्रतिनिधी असणारे पार्थ यांना सपाटून पराभवाचा सामना करावा लागला आहे.