मुंबई इंडियन्सला झटका, हा खेळाडू संघातून बाहेर

मुंबई : आयपीएलमध्ये चेन्नई सुपर किंग्ज विरुद्धच्या पहिल्याच सामन्यात पराभूत झाल्यानंतर मुंबई इंडियन्सला दोनच दिवसात दुसरा झटका बसला आहे. टीममधील अत्यंत महत्त्वाचा गोलंदाज पॅट कमिन्सला दुखापतीमुळे बाहेर जावं लागलं आहे. पॅट कमिन्सच्या कंबरेला दुखापत झाली असून, त्याला पूर्ण टूर्नामेंट बाहेर बसावं लागणार आहे. क्रिकेट ऑस्ट्रेलियानेही या वृत्ताला दुजोरा दिला आहे.
पॅट कमिन्स आजच्या घडील ऑस्ट्रेलियन टीममधील स्टार बॉलर म्हणून ओळखला जातो. त्यांचा फॉर्म उत्तम सुरु आहे. दक्षिण आफ्रिका दौऱ्यावरील त्याची कामगिरीही चांगली होती.

pat

दक्षिण आफ्रिकविरोधात झालेल्या कसोटी आणि टी-20 सामन्यात पॅट कमिन्सने चांगली कामगिरी केली होती. त्यामुळे त्याच्यावर अधिक पैसे लावून मुंबईने त्याला संघात घेतलं होतं. पॅट कमिन्स गेल्या वर्षी दिल्ली संघातून खेळत होता. पहिल्या सामन्यात देखील पाठीच्या दुखपतीमुळं तो संघातून बाहेर होता. पण आता तो संघातून बाहेर झाला आहे. त्याची जबाबदारी आता जसप्रीत बुमरा, मुस्ताफिझूर रेहमान, बेन कटिंग, मिचेल मॅक्लेघन यांच्यावर असणार आहे.