पॅनकार्ड मिळणार 5-6 मिनिटांत

सध्या पॅनकार्ड काढायचे असल्यास 2-3 आठवड्यांचा कालावधी लागतो. मात्र लवकरच 5-6 मिनिटांत पॅनकार्ड काढू शकणार आहे. कारण केंद्रीय प्रत्यक्ष कर बोर्डा(सीबीडीटी)ने या दिशेने पावले उचलण्यास सुरुवात केली आहे. ई-केवायसीच्या माध्यमातून संबंधित व्यक्तीचा पत्ता आणि वैयक्तिक माहितीची खातरजमा केली जाणार आहे.
यामुळे ज्या पॅनकार्डसाठी 2-3 आठवडे लागतात ती प्रक्रिया 5-6 मिनिटांत होऊ शकते. दरम्यान, यामुळे पॅननंबर जरी तात्काळ मिळत असला तरी प्रत्यक्षात पॅनकार्ड हातात येण्यास काही कालावधी लागणार आहे. याशिवाय सीबीडीटी करदात्यांसाठी आणखी एक नवे पाऊल उचलत आहे. ते म्हणजे करदाते अॅपद्वारे इनकम टॅक्स भरण्याच्या प्रक्रियेबाबतही हालचाली सुरु आहेत. या अॅपमध्ये पॅनसाठी अर्ज करणे, टॅक्स रिटर्न भरण्याबाबतची सर्व कामे होऊ शकतील.