मुंबई : विराट कोहलीच्या खराब फॉर्मबाबत त्याच्या बाजूने बोलणाऱ्या पाकिस्तानी क्रिकेटपटूंची कमी नाही. बाबर आझम, मोहम्मद रिझवान आणि हॅरिस रौफ यांनीही आपापल्या पद्धतीने कोहलीच्या बाजूने बोलले आहे. त्यानंतर आता पाकिस्तानचा माजी वेगवान गोलंदाज शोएब अख्तरही विराट कोहलीच्या समर्थनार्थ समोर आला आहे. आंतरराष्ट्रीय क्रिकेटमध्ये ७० शतके झळकावणाऱ्या खेळाडूला डावलण्याबाबत लोक कसे काय बोलू शकतात, असे शोएब अख्तरचे मत आहे.
शोएब अख्तरने त्याच्या यूट्यूब चॅनलवर बोलताना सांगितले की, ‘मी विराट कोहलीबद्दल खूप टीका ऐकत आहे. लोक मला सांगत आहेत की कोहली संपला आहे. तो आता काहीही करू शकणार नाही आणि मी त्यांना सांगतो. कोहली गेल्या १० वर्षातील जगातील सर्वात महान खेळाडू आहे. आता गेल्या १-२ वर्षांत तो खराब कामगिरीतून जात आहे. परंतु त्याने धावा केल्या नाहीत असेही नाही.”
शोएब अख्तर पुढे म्हणाला की, “विराट कोहलीला वगळण्याबाबत लोक कसे विचार करू शकतात हे मला समजत नाही. मी कपिल देव यांचा आदर करतो. विराटबाबतचे त्यांचे वैयक्तिक मत आहे. ते एक महान खेळाडू आहेत म्हणून ते असे म्हणू शकतात. परंतु इतर कोणीही असे म्हणू शकत नाही. शोएब म्हणाला की, “पाकिस्तानी असल्याने मी विराट कोहलीला पाठिंबा देतो कारण ७० शतके ठोकणे ही काही छोटी कामगिरी नाही. ही कामगिरी महान खेळाडूच करू शकतात.” विराट कोहली इंग्लंडविरुद्धच्या तिसऱ्या एकदिवसीय सामन्यात खेळल्यानंतर एक महिना क्रिकेटपासून दूर राहणार आहे.
"I am hearing a lot of criticism about Virat Kohli. I told them (who is criticizing Virat Kohli) – Virat Kohli is the greatest player, in the last 10 years, if there has been any greatest player, it is Virat Kohli." – Shoaib Akhtar (On his YT channel)
— CricketMAN2 (@ImTanujSingh) July 16, 2022
इंग्लंड दौऱ्यात आतापर्यंत विराट कोहलीची कामगिरी खूपच निराशाजनक राहिली आहे. त्याच्या या खराब कामगिरीमुळे अनेक दिग्गज खेळाडूंनी प्रश्नचिन्ह उपस्थित केले आहेत. विराटने त्याच्या कारकिर्दीतील शेवटचे शतक २०१९ मध्ये झळकावले होते. त्यानंतरच्या तीन वर्षात आतापर्यंत त्याला क्रिकेटच्या कोणत्याही फॉरमॅटमध्ये एकही शतक झळकावता आलेले नाही. विराटचा हा खराब फॉर्म भारतीय संघासाठी चिंताजनक ठरत आहे. आगामी काळातील आयसीसीच्या मोठ्या स्पर्धांमध्ये विराट सारख्या खेळाडूचा भारताच्या यशामध्ये खूप मोठा वाटा असणार आहे.
महत्वाच्या बातम्या :
- Gunratna Sadavarte | “काँग्रेसच्या जातीय विचारांची मी निंदा करतो” – गुणरत्न सदावर्ते
- Chandrakant Patil : देवेंद्र फडणवीसांनी बदला नावाचा एक पोर्टफोलिओ उघडावा – चंद्रकांत पाटील
- Chhagan Bhujbal | काय पाऊस, काय पूर, काय खड्डे, समद ओक्के ; भुजबळांची मुख्यमंत्र्यांवर टीका
- Virat Kohli : “कोहलीला ‘या’ कारणामुळे बीसीसीआय संघातून वगळण्याचे धाडसही…”; इंग्लंडच्या माजी खेळाडूचं वक्तव्य
- Eknath Khadse : “१५ दिवस झाले तरी हे सरकार अजूनही जेवणावळीतच व्यस्त”; एकनाथ खडसेंचा शिंदे सरकारवर निशाणा
>>> आमच्या सोशल मीडिया फेसबुक आणि टेलिग्राम ग्रुप मध्ये सामील व्हा! फेसबुक & टेलिग्राम ग्रुप <<<
>>> आपल्या परिसरातील महत्त्वाच्या समस्यांना वाचा फोडून, तुमच्या बातमीने बदल घडवा. { बातमी पाठवा SUBMIT NEWS } <<<
