Viral Video Pune | पुणे : पुण्यातील एक व्हिडीओ सोशल मीडियावर चांगलाच व्हायरल झालेला दिसत आहे. बसमधील या व्हिडिओमध्ये एक प्रवासी बसमध्ये आरडाओरडा करताना दिसत आहे. मला वाचवा, चालक माझं अपहरण करत आहे, अशी आरडाओरड प्रवाशाकडून सुरू आहे. बस चालक उतरू देत नसल्यानं प्रवाशानं बोंबाबोंब केली. त्यावेळी बसमधील प्रवाशानं व्हिडीओ रेकॉर्ड केला आहे.
पीएमपीएमएलच्या बसमध्ये हा प्रकार घडला. ही बस चिंचवडहून बालेवाडीला जात होती. दोन स्टॉपच्या मध्ये एका ठिकाणी बस थांबली. त्यावेळी एका प्रवाशानं दरवाजा उघडण्यास सांगितलं. त्यावर बसचा दरवाजा केवळ स्टॉपवरच थांबेल बस चालकांकडून सांगण्यात आलं. मात्र त्या प्रवाशाला त्याच ठिकाणी उतरायचं असल्यानं त्यानं आग्रह करत आरडाओरड सुरु केली. त्यावरून दोघांमध्ये वाद सुरू झाला. हे प्रकरण पुढे शिवीगाळ करण्यापर्यंत पोहोचलं.
व्हिडीओ सोशल मीडियावर चांगलाच व्हायरल | Viral Video Pune
Viral Video। ओ वाचवा! ड्रायव्हर किडनॅप करतोय! पुण्यात बसमध्ये प्रवाशाची आरडाओरड pic.twitter.com/NN4pF7sgKx
— Maharashtra Desha महाराष्ट्र देशा (@MHD_Press) October 15, 2022
प्रवासी बस चालकाला शिवीगाळ करू लागला. डॅशबोर्डवर हात मारू लागला. बसमधील इतर प्रवाशांनी त्याला शांत राहण्यास सांगितलं. मात्र त्यानं कोणाचं ऐकलं नाही. त्यानं आरडाओरडा करण्यास सुरुवात केली. ‘ओ वाचवा, बस चालक त्रास देतोय. उतरु देत नाही. चालक अपहरण करतोय,’ अशी आरडाओरड प्रवाशानं केली. त्याचा आवाज ऐकून आसपासचे लोक बसजवळ गोळा झाले. ( Viral Video Pune )
यानंतर चालकानं बस सुरू केली आणि ती थेट स्टॉपवरच थांबवली. मात्र या प्रकरणाचा व्हिडीओ सोशल मीडियावर चांगलाच व्हायरल होत आहे. समाजमाध्यमांवर या व्हिडीओला शेअर करत अनेक कमेंट्स लोकं करत आहेत.
महत्वाच्या बातम्या :
- Urfi Javed | वाढदिवसापूर्वी उर्फी ने शेअर केला तिचा ‘हा’ बोल्ड व्हिडिओ
- NCP | एका मंत्र्याकडे पाच ते सहा जिल्ह्याची जबाबदारी, पालकमंत्र्यांनी नेमकं कुठं लक्ष द्यायचं?, राष्ट्रवादीचा खोचक सवाल
- CM Eknath Shinde | ठाकरें नंतर शिंदे गटाची ढाल तलवार वादाच्या भोवऱ्यात, शीख समाजाचा आक्षेप
- Ravindra Waikar | नितेश राणे म्हणाले ‘मशाल’ नाही ‘आइस्क्रीम’ ; रविंद्र वायकर म्हणाले, “तोंडात…”
- Tiger 3 | सलमान खानच्या ‘टायगर 3’ चित्रपटाचे पहिले पोस्टर रिलीज
