पुणे शहरात आता पार्किंगसाठी द्यावे लागणार पैसे; एका क्लिकवर बघा शुल्क

पुणे: आजवर पुणे शहरातील रस्त्यांवर पार्किंग केल्यास तुम्हाला शुल्क द्यावे लागत नव्हते, मात्र आता फुकट गाडी पार्क करण्याचे दिवस गेले असून यापुढे पार्किंगसाठी पैसे मोजावे लागणार आहेत. आज झालेल्या स्थायी समितीच्या बैठकीत पार्किंग धोरणाला मंजुरी देण्यात आल्याची माहिती स्थायी समितीचे अध्यक्ष योगेश मुळीक यांनी दिली आहे.

प्रशासनाकडून सुचवण्यात आलेल्या दरांमध्ये ८० टक्क्यांनी कपात करत बहुमताच्या जोरावर या प्रस्तावास मंजुरी देण्यात आली आहे. दरम्यान, काही दिवसांपूर्वीच पुणेकरांवर नव्याने कोणतेही कर लादले जाणार नसल्याच खुद्द भाजप शहराध्यक्ष योगेश गोगावले यांनी सांगितले होते. मात्र आज मंजूर करण्यात आलेल्या पार्किंग धोरणामुळे पुणेकरांच्या खिशाला कात्री लागणार आहे. तसेच शहरातील वेगवेगळ्या भागांमध्ये हे दर वेगळे असणार आहेत .

असे असणार पार्किंगचे दर
  वाहन                          झोन अ             झोन ब        झोन क

दुचाकी वाहन                 २                      3                4
रिक्षा                              6                      9               12
चार चाकी                    10                    15               20
माल वाहतूक                  6                     9                12
मिनी बस                      15                    23               30
अवजड माल वाहतूक    20                   30               40
खासगी प्रवाशी बस       30                   45               60
( आकडे रुपयांमध्ये )