fbpx

उप-अभियंत्यावर चिखल फेकल्या प्रकरणी नितेश राणेंना ९ जुलै पर्यंत पोलीस कोठडी

टीम महाराष्ट्र देशा : उप-अभियंत्याच्या डोक्यावर चिखलाचे पाणी ओतून केलेले आंदोलन नितेश राणे यांना चांगलेच भोवल्याचे दिसत आहे. उप-अभियंत्यावर चिखल फेकल्या प्रकरणी नितेश राणे यांना पोलिसांनी ताब्यात घेतले असून ९ जुलै पर्यत त्यांना पोलीस कोठडी सुनावण्यात आली आहे.

मुंबई-गोवा महामार्गावरीत खड्ड्यांमुळे नागरिकांना मोठ्या त्रासाला सामोरं जावं लागत होते. दरम्यान या विरोधात नितेश राणे यांनी उप-अभियंत्याला गडनदी पुलावर बांधून त्यांच्या डोक्यावर चिखलाचे पाणी टाकत आंदोलन केले.

उप-अभियंत्याने या सर्व प्रकारा नंतर पोलिसात धाव घेत नितेश राणे यांच्याविरोधात तक्रार दाखल केली. तक्रार दाखल होताच कारवाई करत पोलिसांनी नितेश राणे यांना ताब्यात घेतले आहे. विशेष म्हणजे नितेश राणे यांना पोलीस ताब्यात घेण्यासाठी गेले असता राणेंनी प्रचंडगोंधळ घातल्याचे समोर आले होते.

दरम्यान कणकवली पोलिसांनी नितेश राणे आणि समर्थकांवर गुन्हा दाखल करून त्यांना अटक केली. त्यानंतर नितेश राणे यांना आज कोर्टासमोर हजर करण्यात आले होते, कोर्टाने नितेश राणे तसेच त्यांच्या समवेत १६ समर्थकांना ९ जुलै पर्यत त्यांना पोलीस कोठडी सुनावली आहे.